InfoHub Logo

№16 kolej MKQK
Sapa menejmenti júıesi
Oryndaǵan: A-41 top stýdenti Mustapa Ahmet Tórebekuly
Jetekshisi: Ibraemov Amanolla Meıramhanovıch
 

Mamandanýdyń úsh túri - buıymdyq, tetikter men bólshekter shyǵarý jóne tehnologıalyq túrleri bar. Mashına jasaýdyń ár salasy belgili bir ónim túrlerin: traktor jasaıtyn - traktorlar, stanok jasaıtyn - stanoktar, aspaptar jasaý - aspaptar shyǵarady. Bir salaǵa ónim shyǵaratyn zaýyttar sol óz salasyna oraı mamandanady. Mysaly, Qyzylordadaǵy aýyl sharýashylyq mashınalaryn shyǵaratyn zaýyt - kúrish jınaıtyn mashına, Astanadaǵy zaýyt - tuqym sepkish traktor, Pavlodardaǵy zaýyt - traktorlar shyǵarady. Ónimder boıynsha ondaı mamandanýdy - buıymdyq mamandaný dep ataıdy. Mashına jasaý zaýyttary, kep jaǵdaıda, daıyn ónim emes (stanok, avtomobıl), onyń bólshekterin shyǵarýmen aınalysady. Ondaı mamandanýdy bólshekter boıynsha mamandaný dep ataıdy. Mysaly, Stepnogordagy zaýyt temir jol podshıpnıkterin, Qostanaıdaǵy - aýyl sharýashylyq mashınalary úshin dızel qozǵaǵyshtaryn, al Taldyqorǵandaǵy - akýmýlátorlar shyǵarady.Mashına jasaý zaýyttarynyń úshinshi bir túri - tehnologıalyq mamandaný.

Mashına jasaý úsh negizgi tehnologıalyq kezeńnen turady. Birinshi kezeń - quıý, soǵý nemese syǵymdaý arqyly bólshekter daıarlaý. Ekinshisi - bólshekterdi stanoktarda mehanıkalyq óńdeýden ótkizý, al úshinshisi - bólshekterden daıyn ónimder qurastyrý. Eger zaýyt óndiristiń barlyq úsh kezeńin júzege asyrmaı, tek bireýimen ǵana aınalyssa, ol tehnologıalyq mamandaný, ıaǵnı tehnologıalyq prosester kezeńi boıynsha mamandaný bolyp tabylady. Mysaly, Óskemendegi avtokólik qurastyrý zaýyty avtokólikterdi tek daıyn buıymdar jıyntyǵynan qurastyrady. Iaǵnı bul - tehnologıalyq mamandaný bolyp sanalady. Kez kelgen mamandaný (tehnologıalyq, tetiktik, buıymdyq) kásiporyndar arasyndaǵy kooperatıvtendirýsiz (yntymaqtasýsyz) múmkin emes. Kez kelgen avtokólik túrli bólshekterden (mysaly, elektrovozdarda olardyń sany 200 myńnan astam) turady. Bir zaýytta olardyń barlyk túrlerin shyǵarý múmkin emes jáne tıimsiz. Sondyqtan bir zaýyt ekinshi bireýmen kooperatıvtendiriledi. Mysaly, «Azıa-Avto» zaýyty «Nıva» kóligine akýmýlátorlardy Taldyqorǵannan ákeledi. Sonymen, mashına jasaý kesheni salaaralyq emes ishki salalyq damýymen erekshelenedi.

 Paıdalanǵan ádebıetter:
-  Qazaqstannyń ekonomıkalyq jáne áleýmettik geografıasy: Jalpy bilim beretin mekteptiń 9-synybyna arnalǵan oqýlyq /V. Ýsıkov, T. Kazanovskaıa, A. sıkova, G. Zóbenova. 2-basylymy, óńdelgen. - Almaty: Atamura, 2009. ISBN 9965-34-934-7
- https://kk.wikipedia.org/wiki/Mashına_jasaý_kesheni

---