InfoHub Logo

Sabaqtyń taqyryby: Matematıkalyq estafeta
Sabaqtyń maqsaty:
Bilimdik: Oqýshylarǵa logıkalyq, vıktorınalyq t. b esep túrlerin shyǵarýdyń shapshań túrlerin oıyn arqyly úıretý
Damytý: Oqýshylardyń matematıkalyq oılaý qabiletin damytý, alǵan bilimin tereńdetý, esepteý daǵdylaryn jetildirý, pánge degen qyzyǵýshylyǵyn arttyrý
Tárbıelik: Oqýshylardy ulttyq qundylyqtardy saqtaı otyryp, adamgershilikke, uqyptylyqqa, zeıindilikke, shapshańdyqqa tárbıeleý
Sabaq túri: synyptan tys sabaq
Sabaqtyń ádisi: Sabaqtan tys «2050 jylǵa sapar» esepterin shyǵartý
Sabaqtyń kórnekilikteri: dop, marker, kartochkalar, taqta, plakatqa jazylǵan esepter jıyny

Sabaqtyń barysy:
Muǵalim: Balalar, matematıkalyq estafeta oıynymyzdy bastaıyq. Búgingi estafetalyq oıynymyzdy «2050 jylǵa sapar» dep atap otyrmyz, Osy sapardan súrinbeı ótýlerińe tilektespin!
1 - júrgizýshi: «2050 jylǵa sapar» matematıkalyq estafetalyq oıyn sabaǵy 5 kezeńnen turady.
1. Eki toptyń tanysýy:
Ár toptyń aty, urany bolýy kerek (5 upaı)
2. «Jekpe – jekke» shaqyrý. Top basshylaryn jarystyrý
3. Oıyn túrlerin ótkizý. Estafetalyq jarystar arqyly eki top jarysa bara, taqtada daıyn turǵan esepterdi sheshý arqyly qaıta jarysyp oryndaryna kelý kerek
4. «Báıge» saıysy. Jumbaq, maqal – mátelder aıtý saıysy
5. Ádilqazy alqasyna sóz, qorytyndylaý

Muǵalim:
Ýa halaıyq, halaıyq,
Bárińe jar salaıyq
Búgingi jarys tórinde
Matematıka elinde
Matematıka tilinde
Esep sheship jarysyp
Jumbaq sheship ańdysyp
Shabyt tasyp shalqysyp
Eseppen án salysyp
Kóńildi jarys jasaıyq
Jumbaq sherdi shashaıyq
At salysyp aıanbaı
Bar ónerge basaıyq

Muǵalim: Al balalar, jarysymyzdyń eki toptyń bir – birimen tanysýy men top basshylaryn synaýdan bastaıyq:
Komandalardyń amandasý rásimi. Eki toppen tanysý (top basshylarymen de). Ár top attaryńyzdy, urandaryńyzdy tanystyryp ótesizder.
Toptardyń sálemdesýi:
1 - top:
Shaqyramyz, kelińder jarysýǵa.
Kúsh, óner, bilimmenen alysýǵa.
Bar ónerdi salaıyq, ortamyzǵa.
Al káne, kim shyǵady, saıysýǵa!

2 - top:
Armysyzdar qurmetti tóreshiler,
Saıysyn árbir toptyń kóresizder!
Tarazynyń eki basyn teń qoıyp,
Sizder búgin ádil baǵa berersizder!

İ. «Jekpe - jekke» shaqyrý. Top basshylaryn synaqqa shaqyramyz: Myna esepke oılanyp kim birinshi jaýap berse, sol basshy óz tobyna 1 upaı jeńip beredi.
a) Ákemniń jeti uly bar, onyń árbir ulynyń qaryndasy bar. Sonda ákemniń neshe balasy bolǵany? (8)
b) Janardyń ár tústi 20 shary bar: sary, jasyl, kók jáne qara. 17 shardyń jasyl emes ekendigi, 5 shardyń – qara, al 12 shardyń sary emes ekendigi belgili. Janardyń qansha kók shary bar? (15)
v) 2, 3 jáne 4 sandarynyń bárine bólinetin eń kishi natýral san qandaı? (12)

İİ. Estafetalyq oıyndar!

Aıyra bil, jaqsy menen jamandy,
Aıyra bil, qaryndash pen qalamdy.
Aıyra bil, soqpaǵyn da ómirdiń,
Aıyra bil tapsyrmańdy aldaǵy.

Myqty bolsań – arttaǵyny jetkizbe!
Myqty bolsań – shoqalaqqa súrinbe,
Myqty bolsań – taıǵanama kók muzda,
Myqty bolsań – bógetterdi buzyp ót,
Myqty bolsań – zamanyńdy kóktep ót!

Muǵalim: 1 - estafetalyq oıynnyń sharty: Taqtadaǵy «Qazaqstan 2050» kartochkalaryn tańdap alyp, sol kartochkadaǵy esepterdi sheshýleriń kerek. Estafetalyq oıyn sharty boıynsha dopty 1 - máreden jerge uryp otyryp, eki top jarysa 2 - márege jarysa júgiredi, jetisimen taqtada jazylyp turǵan esepterdi sheshe sala qaıta óz tobyna júgirýi qajet. Qaı top 1 - bolyp aıaqtasa, sol top 1 - bolyp sanalady.(Marker qoldaný).
Taqtadaǵy kartochkalarda esep (Qazaqstan 2050 dep bezendirilgen).

2 - Estafetalyq oıyn
№1 «Baspaldaq» esebi
20*5= ---------88+12=
40/2= -----------------22*4=
63 - 23= ------------------11*5=
7*9= ------------------------98+12=
42*2= ----------------------------7*14=
25+17= ----------------------------70 - 12=
100 - 25= ---------------------------------100/5=

Taqtadaǵy esep:№2
1-top
a) 44/4=
b) 4444/44=
v) 44444/44=
2-top
a) 55/5=
b) 5555/5=
v) 55555/5=

3 - Estafetalyq oıyn
Kelesi estafetalyq oıyn. Skakalka qoldaný arqyly jarysa otyryp, taqtadaǵy tapsyrmalardy alý arqyly oıynshylar logıkalyq esepterge jaýap bere sala qaıta oryndaryna júgirý kerek. Oqýshy ornyna barǵannan keıin kelesi oıynshy sekirip baryp jaýap beredi, osylaı komandanyń barlyq músheleri suraqtarǵa jaýap beredi. Birinshi bolǵan jáne durys jaýaptary kóp bolǵan komanda jeńiske jetedi.

1 - suraq
Basynan aıaǵyna tóńkerile jazylǵan túrinde oqyǵanda ózgermeıtin qandaı sandardy bilesińder? (69, 619, 88)
2 - suraq
Úsh túıequs ushyp kele jatty. Ańshy olardyń birin atyp aldy. Olardyń qanshasy qaldy. (Túıequstar ushpaıdy).