InfoHub Logo

«DOSTYQ» iskerlik oıyny

Tárbıeshilerge arnalǵan iskerlik oıyn
«Dostyq"
Maqsaty: Qazirgi zaman tárbıeshisiniń áleýmettik - psıhologıalyq mádenıetin jetildirý, bir - birlerine degen dostyq sezimin arttyrý.
Tárbıeshilerdiń pedagogıkalyq refleksıasyn damytý. Shyǵarmashylyqqa ártistikke,
bastamashyldyqqa yntasyn damytý. Ózin ózi tanýǵa, pedagogıkalyq izdenimpazdyqqa qyzyǵýshylyǵyn tárbıeleý.
Qatysýshylar: tárbıeshiler, mamandar.

Oıynnyń barysy.
Júrgizýshi: Qaıyrly kún! Bizdiń «Dostyq» atty iskerlik oıynymyzǵa qosh keldińizder. Búgingi oıynda biz oınap, oılanyp, demalamyz, bir - birimiz týraly kóbirek bilemiz.
Sol úshin eń birinshi bir - birimizben jaqsy kóńilmen amandasaıyq. Sheńberge turyp myna júreksheni bir - birimizge jyly sóz aıtyp beremiz. (barlyǵy sheńberge turady, jyly sóz aıtyp, júreksheni bir - birine beredi).
Búgingi oıyn eki topqa bólinip júrgiziledi. Sol úshin qazir sender munda jatqan paraqtardy tańdaısyńdar (barlyq pedagogtar paraqtardy alyp bolǵan soń, júrgizýshi paraqtardyń syrtynda beınelengen sýretterge sáıkes toptarǵa bólinýdi usynady). Ádilqazy upaı qoıyp jeńimpazdarymyz anyqtalady.

№ 1 Tapsyrma:
Suraq - jaýap saıysy (júrgizýshi suraqtar qoıady, birinshi jaýap bergen topqa upaı júredi).
A) Mektepke deıingi mekemeler baǵynatyn qujat (Standart).
Á) Jýyný, tamaqtaný, ústel jasaý, ashana, tabıǵat buryshyndaǵy jumys – bul barlyǵy qalaı atalady?). (Tártiptik kezeń).
B) Balabaqshada bilim beretin baǵdarlama neshe bóliminen turady? (5 sala bólimi).
V) «Qurastyrý» bólimi qaı saladan? (Tanym)
G) Balabaqshadaǵy 2 - 3 jas aralyǵyndaǵy top qaı baǵdarlamamen jumys isteıdi? (Alǵashqy qadam)
D) Balanyń bilimin anyqtaıtyn qorytyndy saraptama qalaı atalady? (ındıkator)

№ 2 Tapsyrma:
«Geometrıalyq pishinderden quraý».
(Ár topqa geometrıalyq pishinder beriledi, sol pishinderden óz oılarynan balalarǵa ne qyzyqty bolatynyn bir nárse japsyrady, 7 mınýt ýaqyt beriledi, ýaqyt ótken soń ne jasaǵandaryn kórsetedi, sıpattap beredi).

№ 3 Tapsyrma: «Tárbıeshiniń mánerlep sóıleýin jáne oqýyn damytý»
Paraqtarǵa kelesi sózder jazylǵan (ár toptyń bir qatysýshysy shyǵyp bir paraqty tańdap alady, sodan keıin oqıdy):
a/ «Munda kel» degen sózdi jaı, daýystap, qatal daýyspen aıtý.
b/ «Jaraısyń» degen sózdi jaı, daýystap, názik, rıza bolyp, mysqyldap, qýanyshpen, ǵashyq bolyp aıtý.

№4 Tapsyrma: «Jaǵdaı» pirkitalas. (eki topqa bir - bir jaǵdaıdan beriledi. Sol jaǵdaıdy sheshý joldaryn aıtý, sahnalaý. Ekinshi top sol jaǵdaıdy sheshý jolynda qandaı da bolsyn qatelikterdi qaraıdy)
1 top: «Eki bala tóbelesip qaldy. Bir bala ekinshi balanyń qolyn tyrnap aldy. Keshke balalardy ata - analary alyp ketedi. Jaraqat alǵan balanyń anasy – urysatyn, shý kóteretin adam. Sizdiń áreketińiz».
2 top: «Siz kesh ýaqytynda qalǵan 3 balalarmen sóılep otyrsyz. Bir bala óziniń otbasy jaıly aıtyp otyr, ákesiniń ishimdik ishkenin, úıde urys shyǵarǵanyn aıtty. Osy kezde sol balanyń anasy kelip qaldy, jáne balasy aıtyp otyrǵan sózderin, jáne Siz tyńdap otyrǵanyńyzdy kórdi. Sizdiń áreketińiz».

№5 Tapsyrma: «Ózińdi tekser»
Tárbıeshilerge júrgizýshi bir qatar zat esim sózder aıtady. 15 sóz aıtqan soń, pedagogtarǵa osy sózderdi dál aıtylǵan retimen jazýǵa usynady).
Tapsyrmany oryndaǵan soń, júrgizýshi óz paraǵynan sózderdi oqıdy, pedagogtar óz jazǵandaryn tekseredi.

№6 Tapsyrma: «Seriktesin sıpattaý»
Pedagogtar óz aty - jónin kórsetpeı óz seriktesin sıpattap japyraqshaǵa jazý kerek. Jazyp bolǵan soń, júrgizýshi bir - bir japyraqtan oqıdy. Pedagogtar sıpattaý boıynsha pedagogty tabý kerek.

№7 Tapsyrma: «Mánerlep oqý»
Ár toptan bir adamnan keledi. Aldarynda jatqan paraqty alyp, sonda berilgen taqpaqty mánerler oqıdy.
A) «Qys», Abaı
Á) «Ǵylym tappaı maqtanba», Abaı

№9 Tapsyrma: «Oılan, tap»
«Qanaǵattandyrylmaǵandyqtaryńyzdan» sózi jazylǵan paraq beriledi, toptarǵa 5 mınýt ýaqyt beriledi, osy ýaqytta osy sózden basqa sózder qurastyrý kerek. Eń kóp sózder jazǵan top upaı alady.

№8 Tapsyrma: «Aıý men aralar». Pedagogtar toptasyp jumys isteý biletinderin taǵy da tekserip kóreıik.
Ár topta «Aıýdy» tańdaıdy, qalǵandary «Aralara» bolady. Aıýdy zaldyń syrtyna shyǵaryp, júrgizýshi «baldy» tyǵyp qoıady. Sodan keıin «Aıý» kirip, «baldy» izdeıdi, «aralar» tek qana «j - j - j» dep daýystap kómektesedi. «Aıý» «balǵa» jaqyndaı bergende, «aralar» «j - j - j» dep qýanyp qatty daýys shyǵarady. Al «Aıý» «baldan» basqa jaqqa ketse, «j - j - j» dep ashýlanyp daýys shyǵarady.
Qurmetti áriptester, osymen bizdiń oıynymyz aıaqtalýyna jetti. Endi ádilqazynyń sheshimin kúteıik. Olar óz sheshimin shyǵarǵansha, osy paraqtarǵa búgingi oıyn týraly óz pikirlerińizdi jazýǵa usynamyn.
Ádilqazy músheleri upaılardy sanap, jeńimpazdardy aıtady.
Jeńimpazdardy marapattaý, qatysýshylarǵa qatysqandary úshin alǵys hat berý.