InfoHub Logo

Qazirgi Kýıbyshev sovhozynda deni Sýnaq degen rý turady. Budan bir ǵasyrǵa jýyq buryn barlyq Sýnaqtar sol jerdegi Tórtkúl degen tóbeniń basyna ǵana syıyp otyrady eken. Óziniń kedeıligine qaramaı seri, ári maqtanshaq atamyz — Qalmyrza degen sánqoı eken. Tórtkúl basyndaǵy kisiler ár keshte aýqattaryn iship bolyp, bir jerge jınalyp áńgime-dúken qurady eken. Qalmyrza óziniń kedeı, joq-juqa ekenin bildirmeý úshin, qatyqsyz qara kójesin iship bolyp, murtyn saqalyq barmaq basyndaı óziniń saqtap júrgen maıymen maılap:

— Búgin et óte maıly eken. Balalar búgin qasaptan ettiń eń maıly jerin alypty, — dep bósip otyrǵanda, eń kishi uly júgirip kelip:

— Ata, seniń murtyńdy maılap júrgen maıyńdy ala mysyq jep ketti, — deıdi.

Sóıtip, uly atasynyń ótirik maqtanǵanyn bir aýyz sózben aıtyp beripti.

---