Usaq baýyrsaq
Qarataý eliniń Dosaı aýylynda Esaly degen bolypty. Ol bala-shaǵamen de, kelin-kepshinmen de qaljyńdasa beretin aq kóńil, ańqaý kisi eken. Esaly jazdyń bir kúninde Túrkistan mańyndaǵy qurdasynyń úıine kelip qonyp otyrady.
Jekjaty kelgen soń úı ıesi qarap otyrsyn ba, shaı qoıylyp, mal soıylyp jatady. Kóp keshikpeı-aq Esalynyń aldyna dastarhan jaıylyp, shaı keledi. Kúni boıy júrip, esh jerge tústenbegen Esaly aldyndaǵy qoıdyń qumalaǵyndaı usaq baýyrsaqty úsheýlep-tórteýlep jep-iship otyrady.
Esalynyń bul qylyǵyn kúlki etkisi kelgen álgi úıdiń boıjetken qyzy:
— Sizdiń elde qoıdy qoraǵa qamarda nesheýden aıdaıdy? — deıdi.
Qyzdyń qaljyńyn túsingen Esaly dereý túsine qoıypty da:
— Qoı toq bolsa birtindep aıdaıdy, ash bolsa toptap aıdaıdy, — depti.
Shaı quıyp otyrǵan qyz betin basyp, kúlgen boıy úıden tura jónelipti.
You Might Also Like
-
Qazirgi Kýıbyshev sovhozynda deni Sýnaq degen rý turady. Budan bir ǵasyrǵa jýyq buryn barlyq Sýnaqtar sol jerdegi Tórtkúl degen tóbeniń basyna ǵana syıyp otyrady eken. Óziniń kedeıligine qaramaı ser...
-
Álem kún saıyn jańarýda. Kún saıyn túrli jańalyqtar ashylýda. Kún saıyn jańa jobalar iske asyrylýda. Kún saıyn bul ómirdiń bizge daıyndaǵan syıy artýda. Sondyqtan ár kúnge jańasha kózqaraspen qaraýǵa...
