InfoHub Logo

Taqyryby: Qaıtalaý. Aýyzsha qosý jáne azaıtý

Sabaqtyń maqsaty: 1000 kólemindegi sandardyń qosyndysy men aıyrmasyn tabý daǵdylaryn jetildirý; eseptiń durystyǵyn tekserý úshin qosý jáne azaıtý kezinde sandar arasyndaǵy baılanys týraly bilimderin sanaly túrde paıdalanýǵa úıretý.

1. Uıymdastyrý kezeńi.
Psıhologıalyq daıyndyq. Balalar kózderin jumyp, muǵalim sózine muqıat qulaq salady, onyń árbir sóıleminiń sońyndaǵy sózdi hormen daýystap aıtady.
— Sabaqta bizdiń kózderimiz yqylaspen qaraıdy jáne bárin …kóredi.
Qulaqtarymyz muqıat tyńdaıdy jáne bárin … (estıdi).
Basymyz óte jaqsy … oılaıdy.

2. Tirek bilim, bilik, daǵdylaryn belsendirý.
Esepteý, jyldamdyqtaryn arttyrý úshin mynadaı tapsyrmalar usynylady:
— sandy 2 sanǵa jiktep jaz, ol sandardyń bireýi berilgen.
340 = 100 + 
570 = 310 + 
100 = 90 + 
231 = 101 + 
190 = 150+ 
440 = 320+ 
— myna sandardyń tek birlikterin ǵana qosyńdar:
11 46 42 12 98 63 97
— Myna sandardyń tek ondyqtaryn ǵana qosyńdar:
49 25 14 63 61 35 17 29
— Eń kishi sandy ata; eń úlken sandy ata; ol san eń kishi sannan neshe artyq? Ár sandy ondyqtar men birlikterge jikte.
Kórkem jazý mınýtyna myna sandardy ósý retimen jazý usynylady:
920 901 415 798 642 538 126 514
Aýyzsha esepteý daǵdylaryn arttyrý úshin №1 tapsyrma berilgen.
«Kompúter» dıdaktıkalyq oıyny túrinde aýyzsha eseptetýge bolady.
Oıynnyń maqsaty: oqýshylardyń esepteý daǵdylaryn jetildirý.
Muǵalim oıynnyń eki nusqasyn usynady: a) taqtaǵa mysaldar tizbegi jazylǵan, balalar sońǵy nátıjesin taýyp, alynǵan jaýapty kartochkalar arqyly kórsetedi; á) muǵalim mysaldar tizbegin oqıdy, oqýshylar aýyzsha eseptep, jaýabyn kórsetedi nemese birneshe adam daýystap aıtady, sodan soń tekseriledi.
32 + 8 - 5 + 7 - 12 + 6 - 18 + 50
75 - 14 + 9 - 20 + 5 + 26 - 9 + 20
80 - 20 + 5 - 25 + 3 - 17 + 41 - 5

3. Ótken materıaldy qaıtalaý.
№2 jáne №3 - tapsyrmalardy oryndaý kezinde oqýshylardyń esepteý tásilderin túsindirgeni jón. Bul tapsyrmalardy túsindire otyryp taqtada oryndaýǵa bolady nemese ózdik jumys retinde berip, sońynan tekserý kerek.
№2 tapsyrmany oryndamas buryn amaldardy tekserý erejesin, ıaǵnı qosýdy azaıtýmen, azaıtýdy qosýmen tekserýge bolatynyn eske túsirý. Ol úshin mynadaı jalpylama suraqtar qoıylady: «Qosý amalyn qandaı amalmen tekseremiz? Azaıtý amalyn she? Azaıtý amalyn azaıtý amalymen tekserýge bola ma?» Sodan keıin 3 - jattyǵý oryndalady.
№4 (a) jattyǵýdyń sheshýi oryndalady. Esepte ne belgili jáne neni bilý kerek ekeni anyqtalǵan soń, muǵalim suraqqa birden jaýap berýge bola ma, eger joq bolsa nege, aldymen neni bilý kerek ekenin suraıdy. Qandaı amalmen oryndalatyndyǵy anyqtalady. Oqýshylar eseptiń qysqasha jazylýyn qurastyryp, taqtada shyǵarady. Sodan soń oqýshylar №4 (b) jattyǵýdy oryndaıdy: aldymen tapsyrmany tolyqtyryp, ony óz betterinshe sheshedi.
№5 jattyǵýdyń bir bóligi (1 baǵan) túsindirile otyryp taqtada or yndalady. Ózdik jumys retinde qalǵan órnekterdi berýge bolady.
№7 jattyǵý kóbeıtýdiń naqty maǵynasyn úıretýge daıyndyq bolyp tabylady. Sondyqtan balalarǵa taǵy osyndaı birneshe tapsyrma berýge bolady.
№8 logıkalyq tapsyrmany óz betterinshe oryndatýǵa bolady, sodan keıin tekserý júrgizip, monshaqtyń sýretin salýdy usyný kerek. Jaýap: 5 qyzyl, 15 aq monshaq.
Qaıtalaý. Aýyzsha qosý jáne azaıtý. júkteý