InfoHub Logo

Óskemendegi S.Amanjolov atyndaǵy SHQMÝ-da Ál-Farabı atyndaǵy Qazaq Ulttyq ýnıversıteti jýrnalısıka fakúltetiniń profesorlary «Medıasaýattylyq jáne Fact-cheking máseleleri» atty semınar-trennıng ótkizýde.

Bıyl ekinshi márte uıymdastyryldy. Jańa formatta jalǵasyn taýyp otyr. Jýrnalısıka mamandyǵynyń qazaq jáne orys toptarynda bilim alyp jatqan stýdentter osy sharadan mol tájirıbe alýdy kózdep, túgelimen derlik kelgen-di. Profesorlar aldymen muhıttyń ar jaǵyna baılanysqa shyqty. Atap aıtsaq, AQSH-taǵy Mıchıgan memlekettik ýnıversıtetiniń profesory Erık Frıdmanmen «skaıpqa» shyǵyp, medıasaýattylyq jóninde pikir almasty. Osy oraıda stýdentter de qyzyqtyrǵan suraqtaryn qoıyp jatty. Aıta keteıik, osynaý semınarǵa óńirlik basylymdarda qyzmet atqaratyn praktık mamandar da qatysty. Bir jaǵynan, aıtylǵan ár derektiń qundylyǵy orasan edi. Odan ary kelgen meımandar Fact-cheking pen medıasaýattylyqty tereńirek túsindirip, jas jýrnalısermen sergitý sáti retinde oıyndar júrgizdi. Mańyzdysy sol, taqyrypqa tereńirek úńilý úshin ár stýdent belsene at salysyp, tyń oılaryn ortaǵa saldy. Túrli jaǵdaıattardan shyǵa bildi. Ál-Farabı atyndaǵy Qazaq Ulttyq ýnıversıteti jýrnalısıka fakúltetiniń profesory Galıa Ibraeva kún saıyn kemerinen tógilip túsetin kóp derekten qajettisin qalaı iriktep alý kerektigin qarapaıym mysaldarmen jete uǵyndyrdy.

Birinshi kúndi qatysýshylar osylaı qortyndylady. Erteńgi bóliminde atalmysh bilim ordasynyń dosenti Qarlyǵa Mysaeva aqparattyq qaýipsizdik boıynsha dárister oqymaq.

Ádilhan Esimhanov S.Amanjolov atyndaǵy SHQMÝ

 «Jýrnalısıka» mamandyǵynyń 3-kýrs stýdenti

---