Senator Qazaqstandaǵy JOO-lardyń bilim sapasyn synady
Parlament Senatynyń jalpy otyrysynda depýtat Murat Baqtıaruly joǵary bilim salasyndaǵy ózekti máselelerdi atady.
«Qazir elimizde 128 joǵary oqý orny bar, olardyń 82-si ýnıversıtet mártebesine ıe bolyp otyr. Damyǵan Eýropa, Ońtústik-SHyǵys Azıa elderinde 320 myń adamǵa bir joǵary oqý orynynan keletin bolsa, bizde 141 myń adamǵa bir JOO-dan keledi», - dedi depýtat.
Onyń paıymynsha, JOO sany jóninen elimiz dúnıejúzi boıynsha aldyńǵy orynǵa shyqqanymen, alaıda berilip jatqan bilim sapasy kóńil kónshitpeıdi.
«Birinshiden, komersıalyq oqý oryndarynyń kópshiligi sapaly bilim bere almaı, tek qarjy jınaý quralyna aınalyp otyrǵany shyndyq. Byltyrdan bastap Ulttyq biryńǵaı testileýden 50 baldan tómen alǵan kóptegen talapkerler jyl boıy úsh retten test tapsyryp, oqýyn jalǵastyra beretin boldy. Bul talapkerler negizinen 11 jyl boıy mektepte nashar bilim alǵandar, olar erteń qandaı muǵalim, dáriger, ınjener bolmaq? Demek, JOO-lardyń kópshiligi sapaly bilimge emes, tek dıplom berýge mashyqtanyp alǵan», - dep atap ótti depýtat.
Sonymen qatar senator aýmaqtyq deńgeıdegi suranysqa mán berilmeı kadrlar daıyndalyp jatqanyn tilge tıek etti. Eńbek resýrstaryn damytý ortalyǵynyń zertteýine súıensek, qazirgi tańda jumys berý naryǵynda nebári 30 paıyz joǵary bilimdi maman kerek bolsa, qalǵan 70 paıyz jumys oryndaryna kolej bitirgender qajet eken.
«Kóshi-qon komıtetiniń málimetine qaraǵanda, sońǵy 7 jyldyń ishinde elimizge kórshi Ózbekstan, Qyrǵyzstan, Tájikstan memleketterinen 6 mln eńbek mıgranty kelip, qurylys, aýyl sharýashylyǵy, turmystyq qyzmet kórsetý salalarynda jumys istep, osy bos oryndardy toltyrǵan. Biz jyl saıyn memleket jáne ata-analardyń qarajaty esebinen qazirgi naryqqa qajet emes on myńdaǵan joǵary bilimdi mamandardy daıarlap, jumyssyzdar sanyn qoldan kóbeıtip otyrmyz. Jylyna bitirip jatqan osynshama joǵary bilimdi dıplomy bar mamandar ekonomıkamyzǵa qajet pe? Bul máseleni qalaı retteımiz?», - dedi M. Baqtıaruly.
Sonymen qatar ol otandyq JOO-larda qyzmet etetin oqytýshylar men profesorlardyń eńbekaqysy tómen ekenin atap ótti.
You Might Also Like
-
Janbolat Mamaıdyń "Zulmat" fılminde qazaq halqynyń tarıhyndaǵy 22 aqpanda Reseı Syrtqy ister mınıstrliginiń aqparat jáne baspasóz bólimi «1932-1933 jj. KSRO-daǵy asharshylyqtan týynd...
-
Dúnıe júzilik densaýlyq saqtaý uıymy tarapynan plasıkalyq ydystardan tutynylatyn sýlarda gormon júıesine áser etip, bedeýlikke sebep bolatyn, balalardyń jetilýin tejeıtin, ımýnıtet júıesin buzaty...
