InfoHub Logo

1. Testke kiretin kezde ózińe senimdi bol.
2. Testke bararda, aldyn-ala ózińdi-óziń ishteı tynyshtandyrýǵa daǵdylan.
3. UBT-ke kiretin kezde qobaljyma, óz oıyńdy jınaqtap, eń jaqsy meńgergen pánińnen basta.
4. Testileý barysynda, eshqashan tapsyrmany oryndaı almaımyn dep oılama, kerisinshe ózińe jeńis kartınasyn sýrette.
5. Saǵat 3,5 (úsh jarym) saǵat ýaqyt beriledi, sol ýaqytyńdy tıimdi paıdalan.
6. Bireýden kómek bolar dep jaltaqtama, ózińe sen.
7. Qaıta jańǵyrtý arqyly oqyǵanyńdy esińe túsir.
8. Jeńilden aýyrǵa degen prınsıp boıynsha, aldymen tolyq biletinińdi belgile.
9. Testke bararda ózińe yńǵaıly kıimińdi kıin.
İske sát qurmetti mektep bitirýshi túlekter!


Aldymen sabaq oqýǵa yńǵaıly oryn daıynda: ústeldiń ústinen artyq zattardy al, kerekti kitaptardy dápterlerdi, qaǵazdaryńdy, qalam saptaryńdy yńǵaılap jına.
• Bólmege sary, aqshyl kók (fıoletovyı) tústerdi engizýge bolady. Ol túster adamnyń ıntellektýaldy bedelin kóteredi. Bul tústerdi qoldaný úshin sol tústerdegi qandaı da bir sýret nemese estampy bolady.
• Sabaq josparyn qur. Aldymen anyqtap al, úkisiń ba? Nemese boztorǵaısyń ba? Osyǵan baılanysty tańǵy nemese keshki ýaqyttaryńdy maksımamdy túrde jumsa. Daıyndyqtyń ár kúnine jospar quryp, oqylatyn taqyryp naqty jáne anyq bolý kerek.
• Eń qıynnan, óziń nashar biletin taqyrybyńnan basta. Eger saǵan qıyn bolsa ózińe qyzyq jáne unaıtyn taqyryptan basta.
• Oqý men demalysty aýystyryp júr. Qyryq mınýt sabaq oqý, on mınýt demalys. Osy ýaqytta ydys jýýǵa, sý quıýǵa, deneńdi shynyqtyrýǵa, dýsh qabyldaýǵa bolady.
• Oqyǵanyńdy jattap alý mindet emes. Múmkindiginshe qaǵazǵa jospar quryp, shema syzyp, materıaldyń qurylymyn daıyndaǵan jón.
• Ár pán boıynsha ártúrli jarıalanǵan testerdi kóbirek orynda. Bul jattyǵýlar seni testterdiń qurylymymen tanystyrady.
• Sekýndomermen ýaqytty belgilep testterdi oryndap jattyq (tapsyrmadaǵy A men B bólimderine eki mınýt kerek).
• Emtıhanǵa daıyndalý kezinde eshqashan tapsyrmany oryndaı almaımyn dep aılama, kerisinshe oısha ózińe saltanatty jaǵdaıdy elestet.
• Emtıhanǵa deıin barlyǵyn qaıtalaýǵa eń qıyn suraqtarǵa toqtalý úshin bir kún qaldyrý kerek.


• Testke 1 kún qalǵanda jaqsylap uıyqtap demal. Taza aýada dostaryńmen, ata-anańmen serýende.
• Test kúni kúndegiden erte turý kerek.
- salqyn sýmen jýyný kerek.
- gımnastıkalyq jattyǵýlar jasaý kerek.
- durystap tamaqtaný kerek.
• Tamaqtaný úlgisi:
- asa maıly tamaq jeýge bolmaıdy nemese múldem tamaqtanbaýǵa da bolmaıdy.
- jeńil kókónisten jasalǵan taǵamdar jegen durys.
• Qatty qobaljyǵandyqtan senderde tábettiń bolmaýy múmkin biraq aýdıtorıa atmosferasyna shydaý úshin tamaqtanbasa bolmaıdy.
• Emtıhan bul - ómirlik kúreste óz múmkindigińdi, qabiletińdi kórsete bilý.
• Emtıhan tapsyratyn jerge keshikpeı jarty saǵat erte barýyń kerek.
• Emtıhanda 3,5 (úsh jarym) saǵat otyratynyńdy umytpa, qajetti quraldaryńdy alyp kel.
• Oıyńdy jınaqta! Blankti toltyrǵannan keıin, ózińe túsiniksiz jaǵdaılardy anyqtaǵannan soń, oıyńdy jınaqtap jáne aınalańdaǵylardy umytýǵa tyrys.
• Sen úshin tek qana mátin tapsyrmasy, saǵat jáne testti oryndaý reglamenttik ýaqyty bolýy kerek. Ýaqyttyń qataldyǵy seniń sapaly jaýaptaryńa áser etpeý kerek. Jaýap jazar aldynda suraqty eki ret qaıtalap, jáne óziń durys túsingenińe, senen ne kerektigine kózińdi jetkiz.
• Eń ońaıynan basta! Kóp oılanatyn suraqtarǵa toqtalmaı, ózińe ońaı degen suraqtardan basta. Sodan keıin sen tynyshtalasyń, basyń anyq jáne jaqsy jumys isteı bastaıdy, jumystyń yrǵaǵyna kiresiń. Esińde saqta: mátinde sen mindetti túrde oryndaı alatyn suraqtar tabylady. Qıyn suraqtarǵa kóp ýaqyt jetpeı qalǵannan, kerekti upaı jınaı almasań – ol uıat.
• Tapsyrmany aıaǵyna deıin oqy! Asyǵystyq jasamaı tapsyrmanyń sharttaryn túsinýge tyrys. Ońaı suraqtardan qate jiberý osy ádiske tikeleı baılanysty.
• Aldyńdaǵy tapsyrmany ǵana aıla! Jańa tapsyrmany kórgende ótip ketken qıynshylyqtardy umyt. Testtegi tapsyrmalar bir-birimen baılanysty emes. Sondyqtan bir suraqqa qoldanǵan bilimiń 2-shi suraqqa kómektespeıdi. Psıhologıalyq effekt myna keńesti saǵan usynady - ótken tapsyrmadaǵy sátsizdikti umyt. Ár jańa tapsyrma, upaı jınaýǵa berilgen múmkindik dep oıla.


Affırmasıa – (ózin-ózi sendirý, oıdy bekitý sózderi bolyp tabylady).
• Men tabysqa jetetinime tolyq senimdimin, meniń únemi jolym bolady.
• Ár bir kún, ár bir saǵat saıyn meniń ómirim jaqsaryp barady.
• Jaqsylyq, durys tańdaý jáne amandyq únemi meniń qasymda.
• Bolyp jatqan istiń barlyǵy – meniń ıgiligim úshin jasalýda.
• Qazirdiń ózinde men úshin óte sátti múmkindikter qalyptasyp keledi.
• Men andaı bolsam, ózimdi sol qalpymda jaqsy kóremin.
• Meniń qabiletim ár kún saıyn jaqsarýda.
• Meniń ómirime sáttiliktiń, ataq-dańqtyń kelýin qýana qabyldaımyn.
• Maǵan óz isim unaıdy, qýana, rahattana, shabytpen aınalysýdamyn.
• Ózime degen senimdilik únemi meniń jadymda.


Aq armannyń qanatyn qaqqanda,
Sáttilik nuryn shashsyn joldaryńda.
Jan-jaǵyńa árdaıym baqyt tunyp,
Bastaryńa qonsynshy baqyt kúlip.
Úlken arman qaı kezde de jol tabar,
Keziń keldi namys júgin arqalar.
Qadamdaryń sátti bolsyn ár daıym,
Ár qaısysyń oıdaǵydaı bal alyp,
Tek jeńispen jarqyrasyn mańdaıyń.