Mektep dırektorynyń eńbekaqysy atestattaýdan qalaı ótkenine baılanysty bolady
Bilim jáne ǵylym vıse-mınıstri Sholpan Karınova mektep, kolej jáne balabaqsha dırektorlaryna nelikten jańa talaptar qoıylyp jatqanyn túsindirdi.
«Buıryqqa ózgeris engizýdegi negizgi maqsat – mektep pen kolej, balabaqsha, qosymsha bilim berý mekemeleriniń basshylaryn neǵurlym sapaly deńgeıde daıyndaý. Sondyqtan úmitkerlerge aldaǵy ýaqytta joǵary talap qoıylady. Osy mekemelerdiń basshysy bolamyn degen adamdarǵa qoıylatyn talaptar boıynsha tıisti qujat bekitiledi. Bastysy – bilim sapasy. Bilim sapasyna áser etetin ári jaqsartatyn birden-bir adam – basshy. Sondyqtan, ary qaraı da kelesi normatıvti qujatta biz osy bilim berý mekemeleriniń basshylaryn taǵaıyndaýmen qatar, olardyń atttestattaý tártibin de ózgertetin bolamyz», - dedi Sholpan Karınova vedomstvonyń otyrysynda.
Vıse-mınıstrdiń aıtýyna qaraǵanda balabaqsha, mektep nemese kolej bolsyn – barlyǵynyń dırektorynyń eńbekaqysy atestattaý nátıjesine baılanysty bolady.
«Búgingi kúni olar nátıje boıynsha birinshi, ekinshi jáne úshinshi dárejeli basshylar bolyp bekitilgen. Olardyń árqaısysynyń biliktilik talaptary aıqyndalǵan. Osy talaptarǵa saı kelgen jaǵdaıda jáne tıisti ulttyq sanaq testileýinen ótken kezde, ekinshi kezeńinde mektep, kolejdiń damý josparyn bekitip, iske asyrylýynyń nátıjesin kórsete bilgen jaǵdaıda – atestattaý qorytyndysy boıynsha sheshim qabyldanady. Munyń barlyǵy – búgingi kúni bilim salasynyń aldyna qoıylyp otyrǵan talaptardyń óte joǵary ekenin kórsetedi», - dedi ol.
You Might Also Like
-
Jańa álipbı máselesinde áli de aqyldasatyn tustar bar. Osy oraıda batysqazaqstandyq ǵalymdar ortaq uıǵarymǵa keldi.
-
IýNESKO-nyń Parıj qalasyndaǵy shtab-páterinde keshe, 10 naýryzda bilim mınıstrleriniń shuǵyl keńesi bolyp ótti. Olar oryn alǵan jaǵdaıdy, qashyqtyqtan oqytý baǵdarlamalaryn engizý máselelerin ortaǵa saldy.
