InfoHub Logo

Mektep jasyna deıingi balalardy mektepke psıhologıalyq daıyndaý

Mektep jasyna deıingi balalardy mektepke psıhologıalyq jaǵynan daıyndaý, bul qazirgi tańda psıhologıa - pedagogıka ǵylymdaryndaǵy ózekti máselelerdiń biri bolyp otyr.
A. V. Zaporojes, mektepke balanyń daıyndyǵyn bylaı sıpattaǵan «balanyń jeke erekshelikteriniń bir tutas júıe retinde qalyptasýyn kózdegen. Onyń motıvasıalyq erekshelikteri, tanym qabiletteriniń damý deńgeıi, erik - jiger mehanızminiń qalyptasý deńgeıiniń ózara baılanysy»

Iaǵnı, balany jan - jaqty psıhologıalyq turǵydan daıyndaý bolyp tabylady. Balany balabaqshada ǵana daıyndap qoımaı, ata - analarynda kiriktirgen jón. Mektep jasyna deıingi balalardy mektepke daıyndaý aýqymdy másele. Kóptegen jumysty talap etedi. Balabaqshamen mektep arasynda ózara baılanysty ornatý. Kóptegen ata - analar balanyń mektepke barý úshin tek áripterdi tanyp, sanaı alsa bolǵany dep tujyrymdaıdy. Árıne bulda mańyzdy faktor. Balanyń mektepke psıhologıalyq jaǵynan daıyndyǵyna nazar aýdarmaıdy. Bul kezeń balalar úshin óte aýyr. Iaǵnı balabaqshadan mektepke barý. Árıne, balabaqshada da ózindik ádis - tásilderin qoldanady, sabaqtar ótilip, psıholog - pedagogta balalarmen jumys júrgizip mektepke daıyndaıdy. Alaıda balanyń jan - jaqty damýyna mektepke beıimdelýine ata - analar kóp áser etedi.
Sonyń negizinde ata - analarǵa balalarynyń mektepke psıhologıalyq jaǵynan daıyndyǵyn mólsherleýine ózindik dıagnostıkalaý testi berilip otyr.
Amerıkandyq psıholog Djeraldın Cheıpıdiń usynǵan testin qoldana otyryp, ata - analar balalaryn baqylaı otyryp, qarapaıym suraqtardyń jaýabyn qorytyndylaı kele psıhologıalyq damý deńgeıin shamamen boljaı alady.

1. Tanym qabiletiniń damý deńgeıin baǵalaý
1. Bala negizgi uǵymdy meńgergen be, mysaly: oń jaq, sol jaq, úlken, kishi t. s. s
2. Aıaqtalmaǵan oqıǵanyń sońyn boljaı alady ma?
3. Úsh nusqaýdy esińe saqtap, oryndaı alady ma, mysaly: qýyrshaqty alyp kel t. s. s
4. Áripterdi tanyp, ataı alady ma?

2. Bazalyq tájirıbesin anyqtaý
1. Balańyz sizdi bankke, poshtaǵa nemese magazınge shyǵaryp salǵan ba?
2. Balańyz kitaphanada boldy ma?
3. Haıýanattar baǵyna, mýzeıge t. s. s barǵan ba?
4. Siz balańyzǵa únemi ertegi nemese qyzyqty oqıǵalar oqyp beresiz be?
5. Hobbıi bar ma?

3. Sóıleý tiliniń damý deńgeıin baǵalaý
1. Ózin qorshaǵan ortadaǵy negizgi zattardy ataı alady ma?
2. Úlkenderdiń suraǵyna ońaı jaýap bere alady ma?
3. Zattardyń ne úshin kerek ekendigin aıta alady ma?
4. Zattardyń qaıda turǵanyn aıta ma?
5. Oqıǵalardy nemese ertegi - áńgimelerdi áńgimelep aıtady ma?
6. Sózderdi anyq, durys aıtady ma?
7. Gramatıkalyq jaǵynan sózderdi durys aıtady ma?
8. Basqa balalarmen qarym - qatynasqa ońaı túse alady ma?

4. Emosıonaldy damý deńgeıin baǵalaý

1. Kóńil - kúıi qandaı bolyp júredi?
2. Ózin jeke tulǵa retinde sezinedi me?
3. Kún tártibi ózgergen jaǵdaıda tez beıimdeledi me?
4. Óz erkimen jumys jasaıdy ma, dostarymen jarysqandy unatady ma?

5. Qarym - qatynasqa túsý qabiletin baǵalaý
1. Basqa balalarmen oınaıdy ma, oıynshyqtarymen bólisedi me?
2. Keı jaǵdaılarǵa baılanysty kezek saqtaıdy ma?
3. Basqalardyń sózin bólmeı tyńdaı alady ma?

6. Fızıkalyq damý deńgeıin baǵalaý
1. Estý qabileti jaqsy ma?
2. Kórý qabileti jaqsy ma?
3. Birneshe ýaqytqa deıin tynysh otyra alady ma?
4. Jalpy qımyl – qozǵalysy jaqsy damyǵan ba, mysaly: dop erkin oınaý, baspaldaqpen júrý t.s.s
5. Belsendi, shymyr, shapshań kórinedi me?