InfoHub Logo

Qazaq tildi emes mektepterde qazaq tilin oqytýdyń jańa baǵdarlamasy shet tilderin oqytýdyń negizgi qaǵıdalarynan turady. 

Bul týraly pedagogıkalyq ǵylym doktory, qazaq tildi emes mektepterdiń oqýshylaryna arnalǵan oqýlyq avtorlarynyń jetekshisi Faýzıa Orazbaeva Qazaqstanda úsh tildi bilim berýdi engizýge arnalǵan halyqyralyq konferensıada  málimdedi.

Ol oqytýdyń jańa baǵdarlamasy eksperımenttik rejımde 2015-2016 oqý jylynan bastap jumys jasaıtynyn jáne elimizdiń 41 mektebinde engizilgenin aıtyp ótti, dep habarlaıdy primeminister.kz.

«Biz qazaq tilin 1-synyptan bastap 11 synypqa deıin deńgeıli oqytýdy ázirledik. Ol oqýlyqtan ǵana emes, sonymen qatar ádistemelik keshennen turady: negizgi oqýlyq, muǵalimge arnalǵan kitap, dıdaktıkalyq materıal, leksıkalyq mınımým sózdigi jáne jazýǵa arnalǵan kitap. Neizigi ádisteme - kommýnıkatıvtik, kognıtıvtik oqytý, ol tek qana sóıleýdi ǵana emes, sondaı-aq óz oıyn saýatty jetkizýdi jáne saýatty jazýdy úıretedi. Ár oqýshyǵa qyzyqty bolýy úshin deńgeıli oqytý ár synyp oqýshysynyń psıhologıasyna arnap jasalǵan», - dedi F.Orazbaeva.

Oqý basylymdary avtorynyń aıtýynsha, jańa oqýlyqtar shet tilderin oqytý qaǵıdalaryna negizdilgen. 

«Eger eksperıment jaqsy ótse, kelesi qyrkúıekte (2016 jyly) osy oqýlyqty engizýdi josparlap otyrmyz», - dedi ol.

«Bul 1-synyptan bastap 11 synypqa deıingi oqýlyq kommýnıkatıvtik sóıleý boıynsha materıal beredi. Gramatıka az, ol sóıleýge jáne jazýǵa qyzmet etedi. Sýretter men shyǵarmashylyq tapsyrmalardan quralǵan. Oqýlyqty mektepterde engizý oqýshylarǵa, ata-analarǵa, mektepterge baılanysty. Qazir básekelestik, kimge qandaı oqýlyq unasa, sony alady. Aqyr sońynda bul oqýlyq jeńedi dep oılaımyn», - degen pikirimen bólisti F.Orazbaeva.

---