InfoHub Logo

Boston Dynamics eki aıaqpen tik júrip, kedergilerden óte alatyn gýmanoıd robottardy damytýmen aınalysyp keledi. Kompanıa Atlas atty jańa býyn robottaryn jáne álemdi tań qaldyrǵan ózge úlgilerdi jasap shyǵarǵanymen ataqty boldy.

 

Atlas robottarynyń nesi erekshe?

Robot – adamnyń kóshirmesi

Boıy  – 188 sm

Salmaǵy  – 150 kg

Iyǵynyń eni 76 sm

28 gıdravlıkalyq jetekpen jabdyqtalǵan

Atlas roboty bederli jerlerde qozǵalyp, kedergilerden nyq óte alatyn qabiletke ıe. Vıdeoda robot qoraptardy bir orynnan bir orynǵa aýystyryp jatqany anyq kórinedi. Qorapty odan alyp ketse, ol sonyń artynan eredi. Aldyńǵy úlgilerde mundaı senimdilik bolmaǵan. Árıne, sana týraly aıtýǵa áli erte, sonda da ilgerileý bary baıqalady. Atlas aıaǵymen nyq turady jáne qulap qalsa, ózi kóterile alady.

Synaqtan ótkizý kezinde robot bir aıaǵymen turyp, tepe-teńdik pen turaqtylyǵyn kórsetti. Synaq jasaýshylar Atlas-ty 20 kılogramdyq kir tasymen ıterse de, qulata almady. Ol bederli, kedergili jerlermen qalaı senimdi qozǵalyp kele jatqanyna jáne aıaqtan shalyp qulatsa, ornynan qalaı kóteriletinine nazar aýdaryńyzdarshy. Qazir ınjenerler osy úlgini syıymdylyǵy joǵary qýattandyrý kózimen jabdyqtaýdy oılastyryp jatyr. Qýattandyrý kózi bolmasa, robot qýattandyrý kabelderine táýeldi.

Ázirleýshiderdiń basty mindeti –Atlas-ty jetildirip, qutqarý operasıalaryna qatysa alatyn úlgi jasap shyǵarý. Robottyń adamǵa qaraǵan sandaǵan artyqshylyqtary bar. Ol ottan, hımıalyq ýly zattardan qoryqpaıdy, adamdy óltiretin aýrýlardan qaýiptenbeıdi. Injenerlerdiń aıtýynsha, jaǵdaıdyń ózgerýin baqylap, soǵan saı durys sheshim qabyldaı alatyn úlgi jasalmaqshy. Áskerıler de «Atlasqa» qyzyǵýshylyq tanytyp, keleshekte ony áskerı qımyldar júrgizý barysynda qoldanǵysy keledi.

Boston Dynamics-tiń ózge de jetistikteri

Big Dogatty tórt aıaqty robot 2005 jyly paıda boldy. Robot tórt aıaqtap birshama jaqsy jyldamdyqpen qozǵalyp júre alady. Jota, tóbege shyǵý ol úshin qıyn emes. Robot alystan, adamnyń qatysýymen nemese óz boıyndaǵy bort kompúterinen basqarylady. Kompúter aýaraıy jáne klımat jaǵdaılary men jolynda kezdesetin kedergilerdi saraptaýǵa qabiletti.

PetMan – kompanıanyń basty jetistigi –týra adam sıaqty júretin robot.  PetMansaǵatyna  5,5 shaqyrym jyldamdyqpen qozǵalady, bul eresek adamnyń ortasha jyldamdyǵymen bara-bar. Úlgi tipti qarapaıym adam sıaqty, ókshesin basyp júre alady.

Little Dog Big Dog negizinde jasalǵan, biraq fýnksıonaly men múmkindikteri molyraq. Robot qoparý-jarý jumystaryn atqara alady, iz kesý, barlaý fýnksıasyn oryndaıdy jáne saper bolyp jumys isteı alady.

Qazirgi tańda kompanıa jańa úlgiler ázirleý ústinde ekeni belgili. Árıne, basty úmit «Atlas» robotyna júktelmek. Ol múlde basqasha etip túrlendirilip, kóbirek fýnksıonal qosylmaq. Jaqyn arada kompanıa keleshektiń robottarynyń jańa múmkindikterin kórsetýge ýáde berip otyr.

---