Memleket basshysy: Ǵylymı zertteýler qazirgi zaman talabyna saı bolýy mańyzdy
Elbasy Nursultan Nazarbaev Ulttyq ǵylym akademıasynyń prezıdenti Murat Jurynovty qabyldady.
Bul týraly Aqordanyń baspasóz qyzmetinen habarlady.
Kezdesýde Memleket basshysy ǵylymı zertteýlerdiń qazirgi zaman talabyna saı bolýynyń mańyzdylyǵyn atap ótti.
Sondaı-aq, Qazaqstan Prezıdenti ǵylymdy basqarýdy ortalyqsyzdandyrý isiniń ózektiligine jáne ǵylymı zertteý jumysyn jekelegen ýnıversıtetterde damytý qajettiligine nazar aýdardy.
«Ǵylymı ázirlemelerdi óndiriske engizýdiń mańyzy zor, - dedi Nursultan Nazarbaev.
M.Jurynov birlestiktiń halyqaralyq deńgeıdegi bedeliniń artýyna batystyq damý úlgisi septigin tıgizgenin aıtty.
«Bizdiń akademıa - barlyq bedeldi ǵylymı birlestikterdiń múshesi», - dedi Ulttyq ǵylym akademıasynyń prezıdenti.
Sońynda Memleket basshysy ǵylymnyń el damýyndaǵy eleýli róline toqtalyp, atqaryp jatqan qyzmetteri úshin akademıa ǵalymdaryna alǵys bildirdi.
You Might Also Like
-
Qazaqstanda mektep oqýshylarynan aqsha jınaǵan muǵalimder qatań jazaǵa ushyraıdy. Tipti jumystan qýylýy múmkin. Bul týraly búgin QR Bilim jáne ǵylym vıse-mınıstri Elmıra Sýhanberdıeva málim etti.
-
Ýkraına poshtasy «Dostyq markasy» halyqaralyq sýretter baıqaýynyń jeńimpazdarynyń jumystarymen kórkem poshta markalaryn shyǵardy, onyń ishinde pavlodarlyq jas sýretshilerdiń sýretteri de bar...
