InfoHub Logo

Joǵary oqý oryndarynyń deńgeıin túlekterdiń jumysqa turýyna qaraı baǵalaý kerek. Bul týraly búgin Astanada Parlament Senatynyń Tóraǵasy Qasym-Jomart Toqaev málim etti.

«Jańa jumys oryndarynyń ashylýy, jumyssyzdar men ózin-ózi jumyspen jumyspen qamtyp otyrǵan adamdarǵa memlekettik baǵdarlamalar arqyly qoldaý kórsetý - jahandyq daǵdarystyń qazaqstandyq eńbek naryǵyna tıgizetin teris yqpalyn aıtarlyqtaı jeńildetýge múmkindik berdi. Degenmen de, alda turǵan jumystar kóp. «100 naqty qadam» Ult josparyn iske asyrý aıasynda Parlament jańa Eńbek kodeksi men halyqty jumyspen qamtý týraly zańyn qabyldady. Endigi kezekti osy zańnamalyq aktilerdi oıdaǵydaı iske asyrýymyz qajet»,-dedi Q. Toqaev Senatta ótip jatqan «QR Prezıdentiniń 2015 jylǵy 30 qarashadaǵy Joldaýy aıasynda Jumyspen qamtý jol kartasyn quqyqtyq qamtamasyz etý sharalar týraly» taqyrybyndaǵy dóńgelek ústel otyrysynda.

Osy rette ol jastar jumyssyzdyǵy problemasyna toqtala kele, bul máseleniń sheshimi barlyq elderdiń saıası kún tártibinde basym baǵyt bolyp tabylatynyn atap ótti. BUU baǵalaýy boıynsha bıyl barsha álemde jastar jumyssyzdyǵy jarty mıllıonǵa artyp, 71 mln. adamǵa jetýi múmkin. Qazaqstan úshin de jastar jumyssyzdyǵy ózekti bolyp tabylady. Elimizdegi jumyssyzdardyń jalpy kóleminen 38 paıyzy jastardy qamtyp otyrǵan kórinedi. Ásirese, bul joǵary oqý oryndary túlekterine qatysty bolýda. Sebebi, olarda jumys tájirıbesiniń joqtyǵynan eńbek naryǵynda básekelestik tıisti deńgeıde áser etýde.

«Germanıada oqý orny óziniń túlekteriniń 70 paıyzyn jumysqa turýyn qamtamasyz etpese, búdjettik qarjylandyrýdan qaǵylady. Barsha álemde qabyldanǵandaı, túlekterdiń naqty eńbekpen qamtylý kórsetkishi elimizde joǵary oqý oryndarynyń jumysyn baǵalaý ólsheminiń biri bolýy tıis. Sonymen qatar biz kásipkerlik salasyndaǵy mamandardy stýdenttik kezden bastap daıarlaýymyz qajet. Osy rette suranysqa ıe mamandyqtar men kásipterdi ıgerýge jas býyndy yntalandyrýymyz kerek»,-dedi Q. Toqaev.

---