InfoHub Logo

Qazaqstanda tegin tehnıkalyq jáne kásiptik bilim berý baǵdarlamasyna jergilikti búdjetterden jyl saıyn 73 mlrd. teńge bólinip otyrady dep boljanýda.

Bul týraly búgin OKQ-da ótken baspasóz máslıhatynda QR Bilim jáne ǵylym vıse-mınıstri Bıbigúl Asylova málim etti.

Qazirgi ýaqytta Bilim mınıstrligi tegin tehnıkalyq jáne kásiptik bilim berýdiń jańa tetikterin jasaqtaǵan. 2021 jylǵa deıin Qazaqstanda tegin bilim júıesimen 671,5 myń adamdy qamtý kózdelgen.

«Jergilikti búdjet esebinen oqıtyn stýdentterge keletin bolsaq, bul shamamen jyl saıyn 73 mlrd. teńgeni quraıdy», - dep atap ótti Asylova.

2017 jyly atalmysh model boıynsha, eń kóbi 142 myń adam qabyldanady dep josparlanyp otyr. Olardyń ishinde 40 myń adam jumysshy mamandyqtary boıynsha, 54 myń adam - 2 jumysshy biliktiligin alyp shyǵatyn orta býyndy mamandyqtar, 32 myń adam - bilim berý, medısına jáne óner mamandyqtary, 16 myń adam - ekonomıkalyq jáne zańgerlik mamandyqtar.

Jańa baǵdarlama boıynsha, ásirese, bilim alýǵa qarajaty joq, az qamtylǵan otbasydan shyqqan jastardy kóptep tartý josparlanǵan.

Oqytý kolejderdiń bazasynda júrgiziledi. Jergilikti ákimdikterde eriktilerdiń, polısıa qyzmetiniń, jastar uıymdarynyń, bilim berý qyzmetteriniń kúshimen jedel toptar qurylady. Olar aýdan, aýyl mektepteriniń túlekteri arasynan baǵdarlama qatysýshylaryn tartýmen aınalyspaq. Stýdentterdi tańdaý barysynda olarmen suhbat júrgiziledi, al oqýǵa túsisimen olardy ystyq tamaqpen, shákirtaqymen jáne tegin jol aqysymen qamatamasyz etý kózdelip otyr.

Baǵdarlamanyń ekinshi baǵyty - eńbeksiz otyrǵan azamattardy jumysshy mamandyqtaryna 1-6 aı kóleminde dýaldy negizde oqytý. Osylaısha, jumyssyzdyq deńgeıin tómendetýge jáne ındýstrıalandyrý baǵdarlamasyna qajetti sırek mamandardyń jańa legin qalyptastyrýǵa múmkindik týady.

Shalǵaı aýyldarda turatyn jumyssyz azamattar mobıldi oqytý ortalyqtarynda oqyp júrip, jańa mamandyq ala alady. Mundaı ortalyqtar Aqmola, Aqtóbe, SHQO, Qostanaı, Mańǵystaý oblystarynda qurylǵan. Sonymen qatar «Bastaý bıznes» baǵdarlamasy aıasynda kásipkerliktiń qyr-syryna oqytý júrgiziledi. Kásipkerlikke oqyǵan azamattar mıkronesıeler alyp, óz kásibin ashýyna múmkindik jasalady.

---