Elimizde kolej stýdentteriniń stıpendıasy 50% kóbeıdi
Elimizde kolej stýdentteriniń stıpendıasy 50% kóbeıdi.
Oqý-aǵartý mınıstrliginiń málimetinshe, bıylǵy oqý jylynda 190 myń jas kolej stýdenti atandy. Onyń 133 myńy memlekettik bilim berý tapsyrysy boıynsha oqıtyn bolady. Kásiporyndardyń ótinimi boıynsha 10 myń stýdent bilim alady.
Memleket basshysynyń tapsyrmasy boıynsha bıyl memlekettik bilim berý tapsyrysy 50 myń orynǵa ulǵaıtyldy. Tehnıkalyq jáne kásiptik kolej stýdentteriniń 75 myńy kvota boıynsha qabyldandy.
Aıta ketý kerek, memlekettik tapsyrys tehnıkalyq mamandyqtarǵa qaıta baǵdarlandy. Olardyń qatarynda geologıa, energetıka, metalýrgıa, mashına jasaý, kólik, IT, qurylys, pedagogıka jáne medısına sıaqty salalar bar.
Kolej stýdentterin yntalandyrý maqsatynda 2023 jyldyń qyrkúıeginen bastap stıpendıany kezeń-kezeńimen arttyrý qarastyrylǵan: 2023 jyldyń 1 qyrkúıeginen bastap 50%-ǵa ósedi, 2024 jyly 100%-ǵa deıin jetkiziledi.
Memlekettik tapsyrys boıynsha oqıtyn stýdentter áleýmettik qoldaýmen, onyń ishinde stıpendıamen, tamaqtanýmen jáne jolaqymen qamtylǵan. Sondaı-aq jańa oqý jylynda kolej stýdentteri úshin 2,5 myń oryndyq 13 jańa jataqhana ashylady.
You Might Also Like
-
QR Ǵylym jáne joǵary bilim mınıstrligi latyn qarpine aýysý jumystary qalaı júrip jatqanyn baıandady.
-
Shońaıdyń naǵashysy Sadyr, onyń ishinde Aldıar tarmaǵynan eken. Qabyrǵasy qatyp, ońy men solyn tanyǵan Shońaı endi naǵashy jurtyn izdep shyǵady. Ol kezde atpen júretin kez. Lepsiniń boıy ma, álde odan ár...
