InfoHub Logo

Qazaqstan Respýblıkasy táýelsizdigin jarıalaǵannan keıin -aq, óziniń belsendiligin,ónerli halyq ekenin dáleldeı bastady. Eń birinshi jetistigin aýyz toltyrarlyqtaı aıtatyn bolsaq,árıne táýelsiz memleket retinde atalýy.Al sol táýelsiz memlekettiń rámizderi qupıa, tańǵajaıyp maǵynalarǵa toly asyl qazyna.Rámiz degende meniń  oıyma eń birinshi keletini,halyqtyń salt-dástúri,ulty,tili,tarıhy,bári-bári osy rámizderde jyr bolyp,kórkemdelip baıandalǵan.Mysalǵa alar bolsaq,bizdiń kók aspandaı jelbiregen týymyz aspan kúmbezin eske túsiredi jáne halqymyzdyń mádenı-etnıkalyq birtutastyǵy men memleketimizdiń  myzǵymastyǵyn kórsetedi.Taza ashyq kógildir aspan árqashanda beıbitshiliktiń ,tynyshtyqtyń belgisi bolǵan.Ári kók tús meniń oıymsha Qazaqstan halqynyń óz memleketin qurý  jolynda nıetiniń tazalyǵyn jáne mańyzdylyǵyn bildiredi.Týymyzdy kórkemdeý  úshin arnaıy jasalǵan órnek qazaqtyń dástúrli kórkem óneriniń  negizgi naqyshtarymen úılesim tapqan.Týdaǵy kúnniń nury,shuǵylaly altyn  beınesi baılyq pen berekeniń ,tynyshtyqtyń nyshany.Al kúnniń astynda sharqyrap ushyp jatqan búrkit qazaq halqynyń barlyq ulttarǵa qushaǵyn jaıa umtylatyn keńdigin,kóp ultty,egemendi memleketimizdiń  bostandyq súıgish rýhanı erkesheligin beıneleıdi.Sonymen qatar  dala qyrany qazaqtardyń jomarttylyǵy men qyraǵylyǵyn,oı nıetiniń bıiktigin bildiredi.

Qazaqstan Respýblıkasynyń  rámizderiniń  biri-eltańba.Qazirde biz eltańbanyń  beınesin teńgelerde,mórlerde,qarý-jaraqtarda,kıimderde, qoljazbalar men kitaptardan kóre alamyz.Eltańbanyń negizin salyp,arqaý bolyp turǵan onyń  shańyraǵy.Shańyraq-eltańbanyń  júregi,qazaq halqynyń ejelden kele jatqan kıiz úıiniń  kúmbezi.Ol álemniń tutastyǵyn oshaqtyń amandyǵy men beriktigin bildiredi.Ýyqtary odan tarap jatqan sáýleler sekildi.Eltańbadaǵy qos tulpar bostandyqqa,amandyq pen birlikke jeteleıdi.Eltańbanyń mańdaıyndaǵy bes buryshty juldyz memleketimizdiń juldyzy jaryq ári bıik bolyp,ár azamat sol jaryq sáýlege senip,árqashan jarqyn bolashaqpen jaqsy jolǵa jetelesin degen senimmen belgilengen.

 «Baǵymyz janyp,juldyzdarymyz jarqyraı bersin »degen senimmen alǵa qaraı jyljı berý degen asyl armandy osy bes buryshty juldyz arqalap turǵandaı kórinedi.

Taǵy bir rámizimiz-memlekettik ánuran.Osy saltanatty áýendi estigende qaı Qazaqstan azamatynyń júregi dir etpeıdi eken sirá?Ánuranymyz júrektiń lúpilin arttyryp,halyqty patrıottyq sezimge tárbıeleıdi.Otanǵa degen súıispenshilik,beıbit peıil,dosqa ashyq qushaǵymyzben erkindikke qushtar kóńilimiz jaqsy kórinis tapqan.Bul mýzykalyq boıtumar desek artyq emes.Sebebi halyqtyń tarıhy,ulty,baılyǵy men erkindigi,bári -bári osy ánuranymyzben shyrqalady. Kópten kútken ,ata-babalarymyz ańsaǵan táýelsizdikke qansha qan tógip jettik.Endi mine,egemen elimizdiń qadir-qasıetin qasterlep.onyń memlekettik rámizderin ardaqtaý ár Qazaqstan Respýblıkasy azamatynyń boryshy.

El kóginde qalyqtap rámizimiz,

Bolamyz bolashaqtyń jaryǵy biz.

Eńbek bilim júrekke árkez jıǵan,

Batyl qazaq altyn el barlyǵymyz,

Rámizimen kórkeıgen  altyn elim,

Qamqorlyq qyp  ǵalamnyń alty belin.

Jyrǵa qosam rámizin el otannyń,

Júrekte jyr el dese bar bilemin!  -dep aqyndarymyz jyrlaǵandaı rámizderimizdiń mártebesi  asqaqtaı bersin!Óıtkeni rámizder-bular bizdiń elimizdiń,Qazaqstanymyzdyń,ıaǵnı Respýblıkamyzdyń bet beınesi,biz úshin bıik,biz úshin qasterli.Olaı bolsa Qazaqstannyń árbir azamaty olardy qurmetteı,qasterleı bilýi qajet dep oılaımyn.

Májıt Erjigit
Aqtóbe oblysy, Hromtaý aýdany,
Tasótkel orta mektebiniń
8 synyp oqýshysy

---