InfoHub Logo

Men jáne meniń urpaǵym - óz elimniń bolashaǵy! Óz halqymnyń jáne elimniń jyldar boıy sozylyp kele jatqan tarıhyn maqtan etemin. Bizdiń bolashaǵymyz tikeleı ózimizge ǵana baılanysty. Shyn máninde, Qazaqstan – aýmaǵy jaǵynan úlken, ári bizdiń memleket san túrli halyqtar men mádenıetterdi biriktirdi. Osyndaı aýyzbirshilikti saqtap qalý, ony óz urpaqtarymyzǵa jetkizý bizdiń paryzymyz, mindetimiz.

Ózimniń Qazaqstanǵa tıgize alatyn úlesimdi, respýblıkamyzdyń damýy úshin ne isteı alatynymdy birneshe bólimge bóldim:

Birinshiden, Qazaqstanda munaı, tabıǵı gaz, ýran keni, qorǵasyn keni, altyn jáne basqa da tabıǵı resýrstardyń orasan zor qorlary bar. Qazaq jeriniń qoınaýynda adamdarǵa paıdaly qyzmet etetin Mendeleevtiń barlyq derlik kestesi bar. Biraq bizdiń elimizdiń bolashaǵy tek osy baılyqtardy tabysty óndirýge ǵana baılanysty bolmaıdy dep senemin. Degenmen, Qazaqstanda balamaly energıa, mysaly, jel nemese kún energıasyn óndirý úshin áli de mol tabıǵı resýrstar qory bar. Alaıda, birneshe jyldan keıin adamdar jańa qýat kózin taba alady dep shyn júrekten úmittenemin. Bul jańa energıanyń kemshilikteri bolmaıdy jáne eshqandaı saldary bolmaýy tıis (jarylystar jáne t.b.). Qazirgi kúnge buǵan aıqyn mysal: benzın emes, elektr energıasy arqyly júretin kólikter nemese kún energıasy arqyly jabdyqtalatyn jeke úıler. Al endi buny qazaqstandyqtardyń oılap tabýyna óz úlesimdi qosyp, barynsha tyrysamyn.

Ekinshiden, men temeki men alkogóldiń bolmaýyn qalaımyn. Sebebi, osyǵan baılanysty adamdardyń densaýlyǵy qurtylyp, adam da, qoǵam da zardap shegedi. Eger nashaqorlyq bolmasa, qoǵamnyń ál aýqaty órkendeı túsedi. Buny iske asyrý úshin belgili bir zańnamalardy ornatqan durys. Sonda halyqtyń ómir súrý deńgeıi, elimizdiń demografıasy kóteriledi.

Úshinshiden, memlekettiń jer betinde úlken bedelge ıe bolýy mańyzdy. Bizdiń halqymyzda barlyq eldermen jaqsy dıplomatıalyq qatynastary bolýy kerek. Iaǵnı, basqa memlekettermen de jaqsy qarym qatynasta bolýymyz mańyzdy. Sebebi, dál osyǵan baılanysty memleketterdiń arasyndaǵy soǵystyń bolmaýy, ıa bolmasa kelispeýshilikterdiń bolmaýy sheshiledi. Elimizdiń tynyshtyǵy, qaýipsizdigi tikeleı osy faktorlarǵa baılanysty.

Osy aıtyp ótken barlyq krıterıılerdi Qazaqstannyń bolashaǵynda men aıqyn kóremin. Bolashaqta Qazaqstan: týrızmi, medısınasy, bilim berý deńgeıi, ekonomıkasy taǵy da basqalary damyǵan, bilimdi, ári óz maqsataryn aıqyn biletin jastardy ósirip jatqan táýelsiz memleket retinde kóremin. Elbasymyz óz joldaýynda aıtyp ketkendeı, búginde álem tórtinshi ónerkásiptik revolúsıa dáýirine, tehnologıalyq, ekonomıkalyq jáne áleýmettik salalardaǵy tereń jáne qarqyndy ózgerister kezeńine qadam basyp keledi. Biz jahandyq ózgerister men syn-qaterlerge daıyn bolý qajettigin eskerip, "Qazaqstan-2050" damý strategıasyn qabyldap, aldymyzǵa ozyq damyǵan otyz eldiń qataryna kirý maqsatyn qoıdyq. Bolashaqta Qazaqstan Respýblıkasy myqty memleket bolyp, damyǵan ekonomıkanyń jáne jalpyǵa ortaq eńbektiń negizinde berekeli qoǵam bolatyna senemin.

Qazirgi kúni meniń artymnan erip kele jatqan 4 ini-sińlilerim bar. Eń aldymen, olarǵa barlyq nárseni túsindirýge tyrysamyn. Kerek kezde sabaqtarymen kómektesip, túsinbegen nárselerin úıretip júremin. Olarǵa da basqa oqýshylarǵa kómek kórsetý kerek ekenin aıtamyn. Onyń ómiri ǵana emes, sonymen birge ol ómir súretin qoǵamnyń ál-aýqaty, órkendeýi onyń mektep qabyrǵasynan qanshalyqty bilimdi jáne ózine senetinine baılanysty bolady. Jas urpaqtyń qandaı bolyp ósetini, kimnen úlgi alatyny tek qana bizge baılanysty. Al elimizdiń bolashaǵy - jastardyń qolynda.

Sarsebaeva Ulpan

---