InfoHub Logo

Taqyryby: Men jáne januıam
Maqsaty: Otbasy músheleriniń arasyndaǵy baýyrmaldyq, qaıyrymdylyq, dostyq qarym - qatynasty qalyptastyrý. Úlkendi syılaýǵa, kishige qamqorlyq jasaýǵa, sypaıy, iltıpatty bolýǵa tárbıeleý.
Balanyń jan - jaqty óz eliniń, halqynyń qamyn oılaıtyn, ata - anasyn, jora - joldasyn syılaı biletin, azamat tárbıeleýmen qatar, ulttyq tárbıeni nasıhattaý. Damyta oqytýǵa negizdelgen jumystarmen tapsyrmalardy ata - analarmen birlese otyryp sheshý.
Ádisi: Suraq - jaýap, pikir alysý, óz oıyn ortaǵa sala bilý.
Kórnekiligi: Tós belgiler, úlestirmeli kesteler, danalyq sózder, kompúter, baıandamalar, plakattar.

Naqyl sózder:
1. «Anań - asyl qazynań, ákeń - asqar taý».
2. «Ata - ananyń mindeti - tárbıeleý jáne jaqsylyqty úıretý».
3. «Bala - bizdiń bolashaǵymyz»
4. «Bala ákeden aqyl, anadan meıirim alady».
5. «Bala - ómirdiń jalǵasy, otbasynyń jemis berer gúli».
6. «Balaǵa sińirgen ata - ana eńbegin bala ómir boıy aqtap bola almaıdy. Balaǵa degen mahabbatqa eshbir mahabbat teńdese almaıdy, ol óle - ólgenshe sýsyndaıtyn mahabbat.
Ǵabıden Mustafın
Túri: Ata - ana men balanyń arasyndaǵy syılastyqty kúsheıtý.
Barysy: Qaıyrly kún, qurmetti ustazdar, ata - analar, shákirtter! Biz búgin keremet bir ǵajaıyp álemge saıahatqa baramyz. Qalaı oılaısyzdar, ol qandaı álem bolýy múmkin? Qane, oılanyp kórińdershi. Ol bir ózi kishkentaı ǵana shaǵyn memleket. Al olaı bolsa, ol memlekettiń aty «Januıa» eken. Búgingi taqyrypta osy memleket jóninde órbimek. Bul memleket qandaı bolýy kerek?
- Baqytty, tatý, ónerli, úlgili.
Sonymen, búgingi ata - analar men bala birlesken «Men jáne januıam» atty keshimizge qosh keldińizder.
Jaqsydan jaman týady,
Bir aıaq asqa alǵysyz.
Jamannan jaqsy týady,
Adam aıtsa nanǵysyz.

Otbasy - adamzat besigin terbetken balanyń bas ustazy - ata - ana. Ultymyzda «Uıada ne kórseń, ushqanda sony ilersiń» degen dana sóz bar. «Bala qyran bolý úshin ony samǵatyp ushyratyn ata nemese áke de qyran bolý kerek»- dep otbasylyq tárbıege erekshe toqtaǵan. Ár otbasynda ata - ananyń orny bólek. Bala ákeden - aqyl, anadan - meıirim alady. Áke - otbasynyń asyraýshysy, qamqorshysy, tiregi dep bilesiń, ana otbasynyń uıtqysy, jylýy, shýaǵy, jaqsy ana otbasyna bereke ákelip, januıasyn baqytqa bóleıdi.
Ata - anaǵa baladan jaqsy eshkim joq. «Bala - adamnyń baýyr eti» degen naqyl sóz bar. Sondyqtan qaı ata - ana bolmasyn balasynyń bilimdi, mádenıetti, tártipti, ádepti bolýyn qalaıdy. Bala ómirdiń jalǵasy, kóz qýanyshy, shańyraq ıesi dep urpaq tárbıesine kóp kóńil bólgen. Qaı halyq bolsa da úmitin eń aldymen urpaǵynan kútedi. Janǵan otyn sóndirmeı, tútiniń tútetip, artyna urpaq qaldyrýdy kózdegen. Al tárbıeniń kózi - ata - babamyzdan qalǵan aqylda, dana sózderde.
Keshtiń ashylý qurmetine «Anashym» áni oryndalady.
Endeshe saıysymyzdy bastaıyq:

İ strategıa. Topqa bólý.
Synyptaǵy saıysqa qatysatyn oqýshylar İ topqa «Ulandar» dep jazylǵan dóńgelek ústelge jaıǵasady. Al, ata - analar İİ topqa «Ardaqtylar» ústeline jaıǵasady.
İİİ topqa ádilqazylar jaıǵasady. Ádilqazyǵa bir oqýshy ata - anasymen jaıǵasady.
Ár toptyń tusyna mynadaı sózder jazylǵan.
«Ulandar» tobyna:
Balam meniń bal bóbegim,
Ómirimniń jalǵasy.
Ol úshin men oı tolǵanam,
Sheginip sen qalmashy.
«Ardaqtylar» tobyna:
Eı, ardaqtylar ata - analar,
Kelshi búgin jarysaıyq.
Bizdermenen baq synasyp.
Ápershi upaı óz balańa.
Ádilqazylar tobyna:
Ádilqazy boldy meniń,
Dosym ata - anasymen.
Sendik saǵan jan - joldasym,
Ádildikpen baǵalashy.