InfoHub Logo

Bilim berý salasy: Qatynas.
Uıymdastyrylǵan oqý is - áreketi: Til damytý.
Taqyryby: Qysqy baspana. (ertegi aıtý)
Maqsaty: Balalardy oqylǵan ertegiler mazmunyn tárbıeshiniń kómeginsiz óz betterimen júıeli túrde mánerli etip, mazmunyn ózgertpeı, áńgimeleı bilýge, baılanystyra sóıleýge, minez – qulyq erekshelikterin ajyrata bilýge úıretý. Balalardyń ertegiler týraly túsinikterin bekite otyryp, oılaý jáne este saqtaý qabiletterin damytý. Keıipkerlerdiń minez – qulqyn, is - áreketin, jaǵymdy, jaǵymsyz jaqtaryn ajyrata otyryp, ádeptilikke, tapqyrlyqqa, shynshyldyqqa, eńbekke, adamgershilikke, ımandylyqqa tárbıeleý.
Ádis – tásili: áńgimeleý, suraq – jaýap, kórsetý, oıyn.
Oqý is - áreketiniń kórnekiligi: Ertegi keıipkerleriniń oıynshyqtary.
Motıvasıalyq qozǵaýshy:
Oı, balalar, qarańdarshy búgin bizdiń topqa qandaı ádemi shar ushyp keledi. Qyzyq, bul shardy bizge kim jiberdi eken? Qarańdarshy qandaı qyzyq, qandaı sıqyr shar.

İzdenýshi uıymdastyrýshy.
Balalar bul sharda baılanǵan hat pen taıaqsha bar eken. Qane, bul hattyń mazmunymen tanystyraıyn.
Bul hatty bizge ertekshi ataı jiberipti. Al mynaý sıqyrly taıaqsha, osy taıaqsha arqyly ertekshi ataı senderge tapsyrmalar jáne ertegi berip jiberipti. Eger de men sıqyrly taıaqshany sermep qalsam, senderge ertegilerden kórinis kórsetedi. Al sender sonyń sheshýin taýyp erteginiń atyn aıtasyńdar.
Tárbıeshi: sıqyrly taıaqshany sermep qalǵanda mýzyka oınalyp, baýyrsaq domalap kele jatady.
Balalar: Baýyrsaq ertegisi ekenin aıtady.
Tárbıeshi: sıqyrly taıaqshany eki ret sermegen kezde, sybdyrlap aqqan sýdyń mýzykasy oınalyp, Aıý Mashany qorapshaǵa salyp arqalap kele jatady.
Balalar: «Masha men Aıý» ertegisinen ekenin aıtady.
Tárbıeshi: sıqyrly taıaqshany úsh ret sermegende, Qyzyl telpek ertegisiniń keıipkerleri shyǵady.
Balalar: «Qasqyr men qyzyl telpek» ertegisiniń keıipkerleri ekenin aıtady.
Tárbıeshi: sıqyrly taıaqshany tórt ret sermegende túıe men tyshqan shyǵyp mýzyka oınalady.
Balalar: «Jyl basyna talasqan haıýanattar» ertegisi ekenin tabady.
Tárbıeshi: Jaraısyńdar balalar, báriń de ertegilerdiń sheshýin durys taptyńdar. Ertegilerdi jaqsy biledi ekensińder. Jaqynda biz osy «Jyl basyna talasqan haıýanattar» ertegisi boıynsha qýyrshaq teatrynyń qoıylymyn kórsettik. Barlyǵyńda janýarlardyń beınesin qýyrshaq túrinde jaqsy oryndap shyqtyńdar.