InfoHub Logo

Ál-Farabı atyndaǵy Qazaq Ulttyq Ýnıversıteti (QazUÝ) – Qazaqstan Respýblıkasyndaǵy joǵarǵy oqý orny. 1934 jyly S.M.Kırov atyndaǵy Qazaq memlekettik ýnıversıtet bolyp alǵash ashyldy.

ÁL-FARABI ATYNDAǴY QAZUÝ QS WORLD UNIVERSITY RANKINGS REITIŃİNDE 150-ORYNǴA IE BOLDY

Shyǵys Eýropa jáne Ortalyq Azıa elderi boıynsha QS World University Rankings (QS World University Rankings EECA 2020) reıtıńinde QazUÝ 16-oryndy ıelendi. Ál-Farabı atyndaǵy QazUÝ túlekterdi jumysqa ornalastyrý reıtıńinde (QS Graduate Employability Rankings) 550 JOO-nyń ishinen 201-251-oryndy alǵan Ortalyq Azıadaǵy alǵashqy JOO boldy.

Brıtandyq "Times Higher Education" agenttiginiń zertteý nátıjeleri boıynsha QazUÝ 1001-1200 pozısıasyn saqtap qaldy, Asia University Rankings reıtıńinde 401-500 - oryn, THE Emerging Economies rankings-351-400-oryn, the Impact Rankings reıtıńinde-801-1000 oryndy ıelendi.

Eń ekologıalyq ýnıversıtetterdiń "UI Green Metric Ranking of World Universities" jahandyq reıtıńinde ýnıversıtet 212-shi orynǵa ıe boldy.

Quacquarelli Symonds (QS) bedeldi halyqaralyq reıtıńtik agenttigi júrgizgen táýelsiz baǵalaý qorytyndysy boıynsha ál-Farabı atyndaǵy Qazaq ulttyq ýnıversıteti joǵary baǵa alyp, «QS Stars Rating System» halyqaralyq reıtıńisinde «Bes juldyz» joǵary marapatyna ıe boldy. QazUÝ – «Bes juldyz» marapatyna ıe bolǵan Ortalyq Azıa aımaǵyndaǵy alǵashqy jáne jalǵyz joǵary oqý orny.

Ýnıversıtette 16 fakúltet bar. Sonyń ishinde men tańdaǵan mamandyq ol - jýrnalısıka salasy.

Ál-Farabı atyndaǵy QazUÝ-dyń jýrnalısıka fakúlteti Qazaqstandaǵy jýrnalıser daıyndaıtyn birden-bir jetekshi oqý orny. Ol alǵash ret 1934 jyly qurylǵan, sonymen qatar TMD elderi boıynsha eń iri fakúltettiń biri. Alǵashynda Qazaq Komýnıstik jýrnalısıka ınstıtýty bolyp qurylǵan. Áýelide eki jyldyq oqytý merzimimen qurylyp, keıinnen úsh jyldyqqa ózgertildi jáne bir jyldyq kýrsy boldy. Osy fakúltette oqyǵan túlekterdiń kóbisi úlken zıaly qaýym músheleri, dara tulǵalar. Fakúltetti bitirgen túlekter respýblıkalyq, oblystyq, aýdandyq merzimdi baspasózderde, radıoda, teledıdarda, otandyq jáne sheteldik baspalarda, Úkimet salalarynda qyzmet etýde. Solardyń qatarynda Q.Sultanov, M.Qul-Muhammed, S.Abdrahmanov, E.Bekhojın, J.Kenjalın, N.Oraz, t.b. syndy búginde iri tulǵalarady maqtanyshpen atap ótýge bolady.

Qazirgi tańda Ál-Farabı atyndaǵy QazUÝ álem elderin qyzyqtyratyn ýnıversıtet qataryna jatady. Buǵan dálel, ár elden jyl saıyn keletin stýdentterdi aıtsaq bolady. Ol stýdentter: Qytaı, Ońtústik Koreıa Respýblıkasy, Úndistan, Bangladesh, Tájikstan, Azerbaıjan jáne de t.b. elderden kelgen ult ókilderi. Olar shet elde oqý úshin túrli álem ýnıversıtetteriniń reıtıńisine kóz júgirte otyryp, tańdaıdy. Tek qana shetel azamattary ǵana emes, ózimizden de túlep ushqan túlekter óte kóp.

QazUÝ sapaly, joǵary deńgeıde bilim úıretip qana qoımaı, jan-jaqty damýdy, úlken ortada óz-ózińdi qalaı ustaý kerektigin, úlken áleýmettik ortamen baılanysty jaqyndata túsetin kıeli orta.

Bul ýnıversıette jarty jyl oqı otyryp, óz ortamdy, qyzyǵýshylyǵymdy taba aldym desemde bolady. Ortamdaǵy adamdardan úlgi aldym, olardan aqyl-keńes estidim. Onyń ózi ýnıversıtetke alǵash qadam basqan stýdentterge úlken qoldaý. Ápkeni ápke dep, aǵany aǵa dep, inini ini dep, qaryndasty qaryndas dep biletin úlken orta men júrketeri meıirimge toly bul fakúltet men úshin janyma jaqyn. Ártúrli uıymdar arqyly ózińdi damytý jolyna, qyzyqqan baǵytqa barý arqyly tájirıbeden ótýge bolady. Tek qana osymen shektelmeıdi, bilikti ustazdar qaýymy men jýrnalıser jınalǵan kıeli meken. Ár bir ustaz, profesorlar, aǵa oqytýshylar óz tájirıbesimen bólisip, sapaly bilim berýde. Bar bilgenderimen bólisip qana qoımaı, jan-jaqty damýǵa, dara tulǵalarmen kórisýge, olarmen aqparat bólisýge trenıń ótkizip otyrady. Árbir sabaqta mamandyqty umytpaı, ártúrli tilde bolsyn suqbat alý, maqala jazý, kórinis qoıý syndy qabilitke baýlıdy. Bolashaqqa bastar joldy, úlken muhıtta kemeni qalaı júrgizýge bolatyndyǵy jaıly psıhologıalyq qoldaýlar men ustazdardyń jan-jaqty kómegi erekshe. Tek qana bular emes, tájirıbe almasýǵa arnalǵan telestýdıalar, úlken kitaphana, kómek kórsetý ortalyǵy, ınternet ortalyǵy, jataqhana syndy barlyq jaǵdaı jasalǵan QazMUÝ qalashyǵy dep atalatyn bul el ishindegi taǵy bir qalashyq.

QazMUÝ-da Baspa úıi, labaratorıa, zerthanalyq jumystar jasaıtyn ortalyq pen qatar memlekettik deńgeıde jumys jasaıtyn ortalyqtar da bar. Respýblıkalyq, Dúnıejúzilik deńgeıde sport jeńisteri, túrli baıqaýlardan marapattar da ıelengen. Árbir salany qamtıtyn, olardy bir-birmen ushtastyra biletin bul ýnıversıtet Qazaqstandaǵy eń myqty jáne de JOO-lar ishinde birinshi bolyp tabylady.

Men, QazUÝ- dy bala kezden tańdaǵanyma, osy ýnıversıtetke túskenime esh ókinbeımin. Sebebi, ýnıversıtet maǵan múmkindik berdi jáne áli de múmkindik beredi dep senemin.

Ál-Farabı atyndaǵy QazUÝ

Jýrnalısıka fakúlteti 1-kýrs stýdenti

Uldana NÝRADIN (Ospanova G.T.)

---