InfoHub Logo

Pavlodar oblysy Lebáji aýdany Áıteı aýyly
Lenın jalpy negizgi bilim berý mektebiniń
2-synyp oqýshysy Temırhanova Sabına
Jetekshisi: Aýbasheva Baıan Egeýovna

Jerdegi bar taǵamnan
Ana súti nárli eken.
Bul jalǵanda anamnan,
Súıikti adam  bar ma eken?

F. Ońǵarsynova               

Ár adam jaryq dúnıege kelgende meıirimdi, júregi jyly jandy kóredi. Ol – Ana. Balasyn qanattyǵa qaqtyrmaı, tumsyqtyǵa shoqtyrmaı baýyryna basyp, biz úshin janushyra shyryldaıtyn da – Ana.  Árbir ana baqytty ómirdi, tynyshtyqty tileıdi. Ana – tirshiliktiń gúli, otbasynyń berekesi, búkil adamzattyń tárbıeshisi. Dúnıede anasyz adam joq. Jazýshy da, danyshpan ǵalym da, el bastaǵan kósem de, sóz bastaǵan sheshen de ana kókireginen nár alǵan. Ana – barlyq ómirdiń bastaýy. Ol óz sábıin mápelep ósiredi, jaqsy bolýyn qalaıdy. Adam boıyndaǵy barlyq jaqsy qasıetter ananyń aq sútinen darıdy. Ana – uly adam, qasıetti jan. Ana bir qolymen besik terbetse, bir qolymen álemdi terbetken degen. 

Men anamdy qatty jaqsy kóremin. Syılaımyn, amandyǵyn tileımin. Biraq keıde ony renjitip alyp jatamyn. Men ózim tez ashýlanatyn minezim bar. Keıde anama buldanyp, qarsy sóılep qalatynym bar. Biraq ashýym qaıtqan soń «beker aıttym» dep ókinip qalamyn. Biraq anam keshirimshil, aqyldy, baısaldy adam. Osyndaı sátterde men anama baryp, kóńilin tabýǵa tyrysamyn. Betinen súıip, jyly sózder aıtamyn.  

Anam aýyryp qalǵan kezde men anamnyń amandyǵyn tileımin. Bul ómirde dostarym, týystarym qanshalyqty kóp bolǵanymen, olardyń jany anamdaı ashymaıtyndaı bolady. Anashym – otbasynyń tiregi. Barlyǵy jasy úlken-kishi týystarym bir isti bastarda nemese basqa da jaǵdaılarda meniń anammen aqyldasady. Ol barlyq máseleniń sheshimin taýyp retteıdi, keńes beredi. Anam – ajarly kisi. Anamdy qatty jaqsy kóremin. Anashym meni túsinetine kúmánim joq. Anam aýyrmaı uzaq ómir jasasa eken dep tileımin. Anasyz ómir ne bolmaq?! Anam aman bolsynshy! Anamyzdyń kóńili shat, júzi jarqyn, deni saý bolýyn árqashan tileımin.

Barlyq balalardyń analary aman bolsyn!

---