InfoHub Logo

Pavlodar oblysy Lebáji aýdany Áıteı aýyly
Lenın jalpy negizgi bilim berý mektebiniń
2-synyp oqýshysy Kadyrhanov Dosym
Jetekshisi: Aýbasheva Baıan Egeýovna

Týǵan jerdeı jer bolmas,

Týǵan eldeı el bolmas.

Meniń týǵan jerim Áıteı batyr aýyly. Týǵan jerimniń tabıǵaty óte sulý.

Meniń aýylym óte jaqsy, batysynda qalyń toǵaı, shyǵysynda keń jazyq dala. Aǵyp jatqan Ertis ózeni bar. Toǵaıda búldirgen men qaraqat ósedi. Byltyr sońǵy qońyraý merekesinen keıin synybymyzben jınalyp tabıǵatqa saıahatqa shyqtyq. Tabıǵat aıasynda muǵalim bizben ártúrli oıyndar, jarystar ótkizdi. Qyzdar baqbaqtyń sary gúlinen bastaryna gúlkeste jasady.

Jaz aıynda Ertis ózenine shomylyp, búldirgen, qaraqat terip úıge qaıtamyz. Men dostarymmen ózekke balyq aýlaýǵa bardym. Byltyr Ertis ózeni qatty tasyp shalǵyndyqty sý basyp ketti. Biz oǵan qýandyq. Eger sý mol kelse, ózekterde  balyq kóp bolady. Sóıtip byltyr balyqty kóp aýladyq. Kúz kezinde biz toǵaıdan ıtmuryn terýge baramyz. Itmurynnyń adam densaýlyǵyna paıdasy mol. Toǵaıǵa barǵanda ártúrli qustardyń daýystaryn estidik, biraq qustardyń túrlerin ajyrata almadyq. Biz toqyldaqty kórdik. Ol aǵashtyń dinine jabysyp, aǵashty toqyldatyp turdy.

Bizde qys aıy óte qatty bolady. Borany men aıazy birge júredi. Qalyń qar túsedi. Oıdyń astyna baryp shanamen syrǵanaq tebemiz. Beti-qolymyz sýyqtan dombyǵyp, tońǵannan keıin úıge qaıtamyz. Men týǵan jerimniń tabıǵatyna súısine otyryp, jyldyń qaı mezgili bolsyn qýanyshpen qarsy alamyn. Meniń týǵan jerimniń tabıǵaty osyndaı.

---