InfoHub Logo

«Ana, mama» sóziniń keremettiligin eshkim túsine bermeıdi. Ol sózge ıe bolýǵa kez –kelgen áıel adamnyń qolynan kelmeıdi. Nege deısizbe?

Men es bilgennen balalar úıinde boldym. Qazir men úıdemin. Meniń anam, ákem bar. Men otbasyndamyn. Aǵam ekeýmiz balalar úıinde bolǵanda ata-anamyzdyń bolǵanyn qatty qalaıtynbyz. Mine, sol tilegimzdiń oryndalǵanyna 4 jyl boldy.

ANA. Ol keremet jan. Anam bizdi qushaqtap ıiskegendi jaqsy kóredi. Barlyǵy anamdy jas deıdi. Ol kisiniń jasy bizdi alǵanda jıyrma altyda ǵana bolǵan. «Biz ósken saıyn bizben óskendeı bolamyn», - deıdi anashym. Ol kisiniń qoly bizge mamyqtaı kórinedi. Anashymnyń daýsy tańǵy qustardyń ánindeı, al onyń shashynyń ıisi taýdan aqqan sýdyń ıisindeı erekshe.

Anashym ertegidegi hanshaıymdar sekildi. Ertegi áleminde júrgen perishte sekildi. Tań atqanymen tyrpyldap biz úshin as daıarlap, bizdi názik daýsymen oıatyp, jumysyna asyǵady. Anashym- bizdiń ómirlik ustazymyz. Ol - bizge ǵana emes barlyq mekteptegi oqýshylarǵa da ustaz. Ol – muǵalim. Barlyq balalar meniń anashymdy jaqsy kóredi. Anashymdy barlyǵy qushaqtaýǵa asyǵady, keıde meniń ishtegi qyzǵanyshym oıanyp ketedi.  

Ákemiz anashymdy «Allanyń bergen maqtaýy» deıdi. Sol maqtaýdy eshqashan joǵaltpaı qurmetteı bilýimiz kerek deıdi. Ol qurmettiń belgisi ákemizdiń de anamyzdy qatty qurmetteýi. Jaqynda taǵyda otbasymyz tolyqty. Ózimiz sıaqty taǵy bir balany otbasymyzǵa aldyq. Maǵan osy kezde unaǵany anamyz ben ákemizdiń bizben aqyldasa otyryp sheshim qabyldaǵany. Anam ár kez bizge aqyldasýdy, aqyl suraýdy úıretedi. Ol suraǵannyń uıaty joq deıdi. Anashymnyń osy sózderin oılaı otyra men anamdy uly qazaq aqyny Abaı atamyzdaı elestetip sanaımyn. Anashymyz - bizdiń ǵulamamyz.

Árıne bizdiń de anamyzdy kóp renjetin kezderimiz bolady. Anashym renjegen kezde «meniń júregim torly dápter sıaqty, sizder meni renjetken saıyn ol boıalyp, jaqsy kórýge oryn qalmaı qalady. Al sizder meni qýantqan saıyn ár boıalǵan tordyń orny óshiriledi»,-deıdi. Sondyqtan anamyzdyń júregine daq túspeýi úshin men jáne meniń aǵataılarym anamyzdy ár qashan qýantamyz dep ýádelestik. Sol ýádemizge jyldar ótken saıynda turatyn bolamyz. Sebebi anamyzdy qýantý arqyly biz tek ózimizge ǵana emes, basqada burynǵy biz sıaqty móldiregen kózderi bar balalarǵa júregi keń ashylyp, barlyǵyda analy bolýyn qalaımyz.

Osyny oqyp otyrsańyz anashym, biz sizdi jaqsy kóremiz. Siz bizdiń álemimimzdiń jaryǵysyz. Al osy júrekjardy essemdi oqyp otyrǵan oqyrmandaryma analaryńyzdy syılańyzdar. Ol - allanyń sizge bergen syıynyń, maqtaýynyń eń negizi.

Jarqyraǵan kúnimiz sen –ana,

Juldyzy mol túnimiz sen –ana,

Ómirdiń mánimenen qyzyǵy sen –ana.

---