Kirpikke kir jýytpaı,qundaqtaǵan.
Myna ómir, myna dáýir qymbat maǵan.
Bul ǵasyr, sirá, meniń júregim-aý,
Tynysyn qybyr etpeı tyńdap baǵam.
Bul ǵasyr - meniń júrek-saǵatymdaı,
Tamyrym birge onymen soǵatyndaı.
Amalsyz,abaısyzda qalǵyp ketsem,
Ǵasyrym birge uıyqtap qalatyndaı.
Myna dáýir meniki,myna ǵasyr,
Mınýt saıyn keremet ulan-asyr.
Máńgilikke ǵasyryń bara jatsa,
Birge ketpeı qalaısha tura alasyń.
Tynym almaı tyńdaımyn syrlasymdy,
Tynysyn baǵam...
Menen ne syr jasyrdy!?
...Sirá, bizdiń urpaqqa qıyn bolar,
Máńgilikke jóneltý bul ǵasyrdy...
(Bizdiń urpaq sol shaqty kórer me eken?.
Keler-keter,ǵasyrlar keler-keter.
Ózim jyrlap qalaıyn ǵasyrymdy,
Keler urpaq ózinshe óleńdeter...

---