Jalǵannyń jartysyndaı jalpaq dalam,
Keýdeń - yrys, altyn taq - arqań maǵan!
Qozǵalsań qoıynyńnan dán saýlaǵan,
Káýsar dalam, bas ıdim, gaýhar dalam!
Jesir em, jetimek em jaýtańdaǵan,
Yrysqa kenelttiń-aý, partıa anam!
Kezimde álsiregen, qansyraǵan,
Sen boldyń aldymen kep hal suraǵan.
Senen kep sý suraǵam, nan suraǵam,
Kezeńde eki talaı sansyraǵan.
O, meniń jan sybaǵam, ar sybaǵam,
Máńgilik qyzyǵym bop, qalshy dalam!
Jarastyq jaqyndyqtyń dastarqany,
Kim seniń peıilińnen bas tartady,
Aq otaýlar tigilsin, qostar taǵy,
Toltyryńdar nyǵyzdap bos qambany,
Jer betinde kóbeısin dostar taǵy,
Meniń jerim dostyqtyń asqar taýy!!!
Oshaǵyn da, otyn da qaza qylmaı,
Qaınap jatqan yrystyń taı qazanyndaı.
Jaınap turǵan máńgi dostyq bazaryndaı,
Qazaǵyńdaı dosyń bar,qazaǵyńdaı.
Qashandaǵy tanıtyn jaza burmaı.
Toıyma kel, dostarym, tartynbaǵyn,
Peıilime saı peıilmen jarqyldaǵyn.
Altyndaryn sapyrǵan altyn dánin,
Alyp Odaq ósirgen aıasynda,
Dosyń baryn, qazaqtaı, halqyń baryn,
Esińe alyp, toıǵa kel,jarqyndarym!
Sónbe máńgi!
Dostyqtyń oty laýla!
Dýman-toı, sán-saltanat jatyr alda.
Jaıaıyq mıllıardtyń mol dastarqanyn,
Alataý, Altaı, Arqa men Atyraýǵa!

---