InfoHub Logo

Meniń mamandyǵym – meniń maqtanyshym!
Adam balasynyń ómirlik serigi onyń Qudaı qosqan jary bolsa, al eńbektegi serigi tańdaǵan mamandyǵy. Mine, tirshilikte adam balasy osy eki dúnıeni tańdaýda qatelespeýi shart. Mamandyq – kez - kelgen adam úshin ómir súrý kózi bolyp tabylatyn jáne qandaı da bir daıyndyqty, biliktilikti, ózindik jaýapkershilikti talap etetin eńbek qyzmetiniń mańyzdy bóligi. Bireýler úshin – mamandyq oılaǵan arman men qalaýdyń oryndalýy sondaı - aq otbasy dástúrin jalǵastyrý bolsa, al, kelesi bireýler úshin – jańalyqqa, bilim shyńyndaǵy derbestikke talpynys, al endi úshinshi bireýler úshin áıteýir bir mamandyq ıesi ataný úshin tańdalǵan burys baǵyttyń nátıjesi dep bilemin. Osy kezde Kýbalyq jazýshy, pýblısıs Hose Hýlıan Martıdiń «Mamandyq tańdaý - ómirińizdiń kirpishin durys qalaý. Eń qıyn mamandyq - adam bolyp qalý» degen sózi esimizge túsedi. Iá, mamandyq óz taǵdyryńdy tańdaýmen birdeı. Durys tańdalmaǵan mamandyq ómirde de eńbekte de ókinish týdyrary sózsiz, sondyqtan adam balasy ómirde óz tańdaýyna ókinbeıtindeı, óz qabiletine qaraı, júrek qalaýymen súıikti mamandyǵyn tańdaǵan kezde ǵana úlken belesterdi baǵyndyra alatynyna senimdimin.

Sondaı mamandyq tańdaýdyń asa mańyzdy kezeńin bastan ótkergen men úshin ákemniń bergen keńesi ómirlik, eńbektik serigimdi júrek qalaýymen tańdaýyma úlken bir sebep boldy. Dana halqymyzdyń «jeti ret ólshep bir ret kes» degen uranymen búgingi tańda ál - Farabı atyndaǵy Qazaq Ulttyq Ýnıversıtetiniń, Fılosofıa jáne saıasattaný fakúlteti, Áleýmettaný jáne áleýmettik jumys kafedrasynyń onyń ishinde Áleýmettik jumys mamandyǵynyń stýdentimin.

Áleýmettik jumys - jeke adamdardyń áleýmettik máselelerin, eń aldymen áleýmettik jábir shekken jeke tulǵalar men koǵamdyq toptardyń áleýmettik máselelerin sheshýge, azamattardyń áleýmettik kepildigi bar quqyqtary men qajettilikterin qamtamasyz etýge, áleýmettik qyzmetin atqarý qabiletin qalpyna keltirýge nemese kóterýge qolaılyq týǵyzatyn jaǵdaılar jasaýǵa baǵyttalǵan kásiptik is - árekettiń erekshe túri. Áleýmettik jumys – izgilik pen qaıyrymdylyqqa, syılastyq pen ózara senimge negizdelgen kásip.

Kez - kelgen bitirýshi túlektiń kókeıin «Áleýmettik qyzmetker bolyp qandaı ortalyqtarda qyzmet atqarýǵa bolady?!» degen saýal mazalaıtyn bolýy múmkin, mine sondaı túlekter úshin aıtarym, búgingi kúnde áleýmettik qyzmetkerler Halyqqa Qyzmet Kórsetý Ortalyqtarynda (HQKO); túrli baǵyttaǵy ońaltý ortalyqtary men daǵdarystyq ortalyqtarda; Halyqty jumyspen qamtý salasynda; aýrýhanalar men emdik - profılaktıkalyq saýyqtyrý mekemelerinde; halyqty zeınetaqymen qamtamasyz etý ortalyqtarynda jáne jastarmen, egde jastaǵy azamattarmen, kópbalaly nemese kómekti qajet etýshi otbasylarmen tikeleı jumys jasaıtyn, kómek beretin jáne t. b. memlekettik mekemelerde jumys atqarýǵa múmkinshilikteri bar. QazUÝ - dyń Áleýmettik jumys mamandyǵynyń bitirýshi túlekteri búginde álemniń ártúrli memleketterinde óz bilimderin shyńdap qana qoımaı, mamandyqtary boıynsha jumys atqarýda. Áleýmettaný jáne áleýmettik jumys kafedarasynyń ujymy shyǵarmashylyq potensıaldy jaýapkershilikpen, óz kásibine jáne ýnıversıtetine jan - tánimen berilgen. Oqytýshylary halyqaralyq bilim berý tehnologıasyn jetik meńgergen. Búginde kafedra bitirýshi túlekteri úshin Reseı Fedarasıasy (Ýralskıı Federalnyı Ýnıversıtet ımenı pervogo Prezıdenta Rosıı B. N. Elsına, Belgorodskıı gosýdarstvennyı nasıonalnyı ıssledovatelskıı ýnıversıtet) negizinde qosdıplomdyq baǵdarlama jumys jasaıdy.

Bilim men ǵylymnyń qaınar mekenine aınalǵan kafedra oqytýshylary úshin ómirdegi eń negizgi basty qýanyshy, árıne, ózi tárbıelegen shákirtteriniń bolashaqta ózi jetpegen belesterdi baǵyndyryp, ony qýantýy bolyp tabylatyny aıdan - anyq.

Mektep bitirýshi túlekterge bizdiń ushaıyn dep otyrǵan altyn uıamyz – ál - Farabı atyndaǵy Qazaq ulttyq ýnıversıtetiniń fılosofıa jáne saıasattaný fakýletiniń áleýmettaný jáne áleýmettik jumys kafedrasynyń áleýmettik jumys mamandyǵyna jol bastaýyna jáne osy mamandyqtyń professıonaldy mamany bolýyna shaqyramyn!

Ál - Farabı atyndaǵy QazUÝ,
Áleýmettik jumys
mamandyǵynyń 4 - kýrs stýdenti
Tólendi Sholpan Qanatqyzy
Jetekshisi: sosıologıa ǵylymdarynyń doktory, profesor Abdıraıymova G. S., dosent m. a. Amıtov S. A.

Meniń mamandyǵym – meniń maqtanyshym! júkteý