Meniń ómirimdegi úshtildilik
Men qazirgi tańda mektep qabyrǵasynda, ıaǵnı 11 synypta oqyp júrmin. 7 synyptan bastap, aǵylshyn tiline degen qyzyǵýshylyǵym arta bastady. Qazaq tili - memlekettik til, orys tili - qarym-qatynas tili bolsa, aǵylshyn tili –halyqaralyq til ekendigi barsha aıan.
Qazaqstan Respýblıkasynyń Tuńǵysh Prezıdenti Nursultan Ábishuly Nazarbaev úshtildilik týraly eń alǵash ret 2006 –jyly Qazaqstan Halqy Assambleıasynyń Hİİ sesıasynda aıtqan edi. Ol kezde Memleket basshysy kem degende úsh tildi bilý bizdiń balalarymyzdyń bolashaǵy úshin óte mańyzdy degen bolatyn. Odan keıin, 2007-jylǵy «Jańa álemdegi jańa Qazaqstan» atty Joldaýynda Memleket basshysy «Úshtildilik» jobasyn kezeń-kezeńimen júzege asyra bastaý kerektigin usynǵan bolatyn. «Álemde Qazaqstan halqy úsh tildi biletin, joǵary bilimdi el retinde tanylýy kerek. Bul: qazaq tili-memlekettik til, orys tili- ularalyq qatynas tili jáne aǵylshyn tili- jahandyq ekonomıka men sátti yqpaldasýdyń tili» degen edi Elbasy.
Qazirgi tańda Elbasynyń basynda aıtyp ótken úshtildilikti damytý barysynda kóptegen jumystar atqarylýda.
Al meniń ómirimdegi úshtildilikke toqtalar bolsam, úsh tilde de erkin sóıleı alamyn. Sonymen qatar aǵylshyn tilinde ótetin túrli saıystarǵa qatysyp júldeli oryndarǵa ıe bolyp júrmin. Osyndaı nátıjege qol jetkizýime aǵylshyn tilinen sabaq beretin ustazym- Nýrmagambetova Aıgýl Baıjanqyzynyń eńbegi de orasan zor. Jalpy on birinshi synypty aıaqtaǵan soń tańdap otyrǵan mamandyǵym- aǵylshyn tiliniń aýdarmashy mamandyǵy bolyp tabylady. Jáne de atalǵan mamandyqqa túsý úshin kóp izdenýdemin, sondaı-aq qosymsha daıyndyq ústindemin. Shabytym kelgen kezde óleń shyǵaratynym taǵy bar. Keı kezde keıbir óleńderdi nemese, shyǵarmalardy aǵylshyn tiline aýdarý súıikti isterimniń biri. Oǵan dálel: Shel Sılverstaınnyń «The Voice» dep atalatyn óleńiniń aýdarmasyn usynyp otyrmyn:
The Voice
There is a voice inside of you
The whispers all day long
“ I feel this is right for me,
I know that this right for me”
No teacher, preacher, parent, friend
Or wise man can decide
What’s right for you just listen to
The voice that speaks inside
Mekendeıdi jan dúnıeńde ishki úniń
Sybyrymen sol bir únniń óter kúniń
Qulaq salsań, aıtar, baǵyt baǵdar berip,
Munyń qate, al mynaýyń jón ekenin
Ata-anań , adal dosyń qas jaýyńda
Sol daýystaı jón siltemes ustazyń da
Nazar salyp,qulaq túrshi oǵan bir sát,
Qate bolmas basqan qadam tańdaýyńda
Qazirgi tańda atalǵan óleńdi orys tiline aýdarýdamyn. Minekı, meniń ómirimde úshtildilik osylaı júzege asyrylýda. Qoryta aıta kelgende, Elbasy bastaǵan úshtilik týraly bastamany jalǵastyrý, ony júzege asyrý - ár Qazaqstandyq urpaqtyń mindeti dep bilemin.
You Might Also Like
