InfoHub Logo

Taqyryby: «Meniń otbasym»
Maqsaty: Otbasyndaǵy syılastyqqa, adamgershilikke, ınabattylyqqa tárbıeleý. Úlkendi úlgi, kishini maqtan etýge, otbasynyń birligin saqtap, ata - ana aldyndaǵy paryzyn óteýge, elimizdiń jaqsy azamaty bolyp ósýge, januıanyń maqtany bolýǵa tárbıeleý.

Júrý barysy: İ. Psıhologıalyq daıyndyq
Qaıyrly kún!
Armysyz, meıirimdi Jer - Ana
Bárimiz dos bolaıyq!
Bárimiz tatý bolaıyq!
- Biz búgin bir ǵajaıyp bir álemge saıahatqa shyqqaly otyrmyz. Ol qandaı álem bolýy múmkin? Ol bir kishkentaı ǵana shaǵyn memleket. Al olaı bolsa, memlekettiń aty «Otbasy» dep atalady.
- Ol memleket qandaı bolýy múmkin?
Jaýaptary: Baqytty, tatý, ónerli, úlgili...
Muǵalim: Seniń otbasyndaǵy ornyń qandaı?
Muǵalim: - Endi myna áńgimege qulaq salaıyq:
« Saıabaqta balasy men ákesi serýendep júredi. Ákesi balasynan:
- Balam, mynaý neniń daýsy? - dep suraıdy.
- Ol qustyń daýsy, - dep jaýap beredi.
Sálden keıin ákesi taǵy suraıdy. Bala áýelgi jaýabyn qaıtalapty. Ákesi suraǵyn taǵy da qaıtalaǵanda, balasy:
- Ol - qus, qus! Ózim sharshap kele jatyrǵanda, nege suraı beresiń - dep balasy renjipti. Sonda ákesi:
- Balam, kishkene kezińde aýyr tirlikten sharshap kelgende seniń "Anaý ne? Mynaý ne?", - dep kúnine júz ret suraıtyn suraǵyńa beti qaıtpasyn dep únemi jaýap beretinmin

Muǵalim: 1. Áke balasyna nege renjidi?
2. Sen ákeńe ne dep jaýap berer ediń?
3. Ákemdi renjitip alǵan joqpyn ba degen oı mazalaıdy ma?
Sonda otbasynyń uıytqysy, berekesi, meıir - shapaǵat kózi - áke. «Áke - asqar taý» deıdi halqymyz.
Áke týraly maqal - mátelder aıtý.
Endi zeıinimizdi beri aýdaryp, myna bir áńgimege nazar aýdaraıyq:
Birde kóp balaly ana uldaryna bylaı depti:
«- Balapandarym, men senderge bir jumbaq jasyraıyn, sender sony sheshińder. Senderdiń bárińdi toǵyz aı boıy abaqtyǵa jaýyp qoısa, odan soń aýzyńa ókpe tyqsa, arqańdy aǵashqa tańyp qoısa, sol adamǵa ne ister ediń?»
Boljaý: Óz oılaryn aıtady. Talqylaý jumysy júrgiziledi.
Tuńǵysh balasy: Onyń basyn baltamen shabar edim.
Ekinshi balasy: Ony men myltyqpen atar edim.
Úshinshi balasy: Onyń murnyn buzar edim.
Al kenje balasy: Joq, ana, myna úsheýiniń jasaıtyndary aqymaqtyń isi. Al men bolsam, ol adamdy aıalap ólgenshe alaqanyma salyp baǵar edim. Ol meni jaratýshy, jaryq dúnıege ákelýshi adam. Siz bizdi toǵyz aı kóterdińiz, jaryq dúnıe syıladyńyz. Taza jatsyn dep aǵash besikke bóledińiz. Bul jumbaqtyń sheshýi - ana.
Ana týraly maqal - mátel aıtý.
Muǵalim: «Ana - saıa baǵyń,
Áke - asqar taýyń»,- deıdi halqymyz. Sondyqtan da januıanyń eki tiregi - álpeshtegen áe men aıalaǵan ana. Sondyqtan da olardy qurmetteýimiz kerek.

Qorytyndy.
Januıanyń qýanyshy - bala. Al januıanyń báıteregi - ata, áje, áke, ana. Bala - odan tálim - tárbıe, ónege alýshy urpaq.

«Júrekten júrekke» sheńberi.
Sheńberge turyp, óz otbasylarynyń jaqsy qasıetteri jaıly aıtyp, sheńber ishimen júreıik.
Osyndaı aıtylǵan jaqsy tilekter senderdiń otbasylaryńa darysyn. Otbasylarynyń shamshyraǵy bolyp jana berińder.