InfoHub Logo

«Sovet Odaǵynyń Batyr Mádı Begenov atyndaǵy
jalpy bilim beretin orta mektep MM»- niń
pedagog - psıhology
Isaeva Zaýre Mýftyevna

Bastaýysh synyp ata – analary men muǵalimderine psıhologıalyq trenıń

Taqyryby: «Meniń otbasym - syılastyq, jarastyq ornaǵan ortam»
Maqsaty: Ata - ananyń bala tárbıesindegi qarym - qatynasy týraly túsinikter berý arqyly ata - analardyń bilimderin kóterýge kómektesý.

Sabaq barysy:
Psıholog: Qosh keldińizder, qurmetti ata - analar, oqýshylar jáne áriptester. Búgingi bizdiń otyrysymyz erekshe bolady degen úmitpen trenıńti bastaımyz. Trenıńimizdiń ereksheligi sol, tárbıe prosesindegi qıyndyqtardy biz bop, siz bop pikirlese otyryp, oıymyzdy túıindep, ómir jolynda paıdalaný. Olaı bolsa, búgingi trenıńimizdi bastamastan buryn ózderimizdi tanystyryp óteıik.
Otbasy - Adam balasynyń altyn dińgegi. Óıtkeni adam eń alǵash shyr etip dúnıege kelgen sátinen bastap, osynda er jetip, otbasynyń tárbıesin alady. Sondyqtan da otbasy - adamzattyń asa qajetti, ári qasıetti altyn besigi.

Jattyǵý. Esimder alıterasıasy
Maqsaty: Trenıńke qatysyp otyrǵan ata - analar men oqýshylardy tanystyrý.
Ata - analarǵa qoıylatyn suraqtar:
- Esimińiz kim?
- Qandaı maǵyna beredi?
Oqýshylarǵa qoıylatyn suraqtar:
- Esimiń kim?
- Óz atyńyzdyń alǵashqy áripinen bastalatyn boıyńyzdaǵy jaqsy qasıetti atap ótý.
Psıholog ata - analarǵa arnap suraq qoıady.
Suraq: - Siz qanshalyqty óz balańyzdy tolyq qandy, jaqsy bilesiz?
Ata - analardyń jaýaptary tyńdalady.
Psıholog: Olaı bolsa, biz balalarymyzdy qanshalyqty jaqsy biletinimizdi is júzinde tekserip kóreıik.

İİ. Jattyǵý. «Óz balańyzdy jaqsy bilesiz be?»
Maqsaty: Ata - anamen balanyń ortasyndaǵy qarym - qatynasty anyqtaý.
1. Balańyzdyń jaqsy kóretin túsi qandaı?
2. Qandaı taǵamdy súısinip jeıdi?
3. Balańyzdyń atyn erkeletkende qalaı ataısyz?
4. Balańyzdyń eń jaqyn dosynyń esimi kim?
5. Súıip oqıtyn páni?
6. Balańyz mektepte neshinshi kabınette oqıdy?
Nusqaý: Berilgen suraqtarǵa ata - ana da, bala da birdeı jaýap jazyp otyrady. Sońynda jazylǵan jaýaptardy ózara sáıkestendirý. Durys sáıkes kelgen jaýapqa bir upaıdan berilip otyrady.
Qorytyndy: Kóp upaı jınap alǵa shyqqan ata - analardy madaqtaý. Al, az upaı jınaǵan ata - analarǵa bolashaqta balalarymen tyǵyz baılanysta bolý kerek ekenine usynys berý.

İİİ. Jattyǵý. Shyǵarmashylyq jumys «Otbasylyq qundylyq aǵashy»
Nusqaý: Úlken aǵashtyń sýretin salý kerek. Bul sizdiń otbasylyq qundylyq aǵashyńyz. Birneshe berilgen otbasylyq qundylyqtardy aǵashtyń tamyryna, dińine, butaqtaryna ornalastyrý. Tamyry sizdiń eń negizgi otbasylyq qundylyq bolyp esepteledi, aǵashtyń dińine ortasha qundylyqtardy, al, butaqtaryna otbasyńyzǵa mańyzdy biraq, qatty qoldanbaıtyn, kóp kóńil aýdarmaıtyn qundylyqtardy ornalastyrý kerek. Berilgen ýaqyt 7 - 10 mınýt.
1. Myqty densaýlyq
2. Aǵaıyndaryńa, dostaryńa ashyq esik
3. Aýyzbirshilik
4. Ortaq qyzyǵýshylyq
5. Bir - birińizdiń jumysyna aralaspaý
6. Qamqorlyq
7. Tártip
8. Bos ýaqytyńyzdy birge ótkizý
9. Senimdilik
10. Ata - ananyń sózi zań
11. Ata - ana otbasynyń úlgisi
12. Áleýmettik jaǵdaı
13. Otbasylyq qarym - qatynas
14. Mahabbat
15. Meıirimdilik
16. Shynaıylyq
17. Syrt kózge úlgi bolý
18. Bereke
19. Úlkenge - izet, kishige - qurmet
20. Kóp bala
Sońynda úlken báıterek aǵashy shyǵý kerek. Shyqqan sýretti qorǵap shyǵamyz.
Jattyǵý. Medıtasıa. «Óz juldyzyńyzdy tabyńyz». Ádemi áýen oınap turady.
Nusqaý: Juldyzdy túndi elestetińiz. Juldyzdar úlken jáne kishi, jaryq jáne kúńgirt. Bireý úshin bul bireý nemese birneshe juldyzdar, al bireýler úshin sansyz kóp, jaryq shashyp birde alystap, birde qol sozym jerde jaqyn ornalasqan. Juldyzdarǵa muqıat qarap, eń keremet juldyzdy tańdańyz. Múmkin, bul balalyq kezdegi sizdiń armanyńyzǵa uqsas shyǵar, múmkin, ol sizdiń baqytty sábı kezderińizdi eske túsirgen shyǵar. Taǵy da ol juldyzyńyzǵa súısinip, soǵan jetýge tyrysyńyz. Bar kúshińizdi salyńyz. Siz mindetti túrde sol juldyzǵa jetesiz. Aspannan alyp ony aldyńyzǵa qoıyńyz.
a) ata - ana aldarynda jatqan juldyzdardan ózine bireýin tańdap alady
á) juldyzdarǵa bolashaqta balańyzdy qandaı adam retinde elestetetinin jazady.
b) taqtaǵa iledi.
Psıholog: Osy sabaqtyń aldynda biz balalarmen birge «Otbasyndaǵy qarym - qatynas» taqyrybynda trenıń sabaq ótkizgen edik. Sol sabaqta «Bala sizderden ne kútedi jáne sizge degen kózqarasy qandaı?» suraqtaryna jaýap alǵan edik. Óz balalaryńyzdyń júregin alyp, oqysyńyz bolady.

Qorytyndylaý. «Tilek shamy»
Maqsaty: trenıń týraly pikirlerin ortaǵa salý.
- Mine, qoshtasatyn da sát jetti, ata - analar, oqýshylar. Biz sizdermen januıadaǵy ata - ana men balalar arasyndaǵy qarym - qatynastyń túrli jaqtaryn tanýǵa, jan - jaqty talqylaýǵa tyrystyq. Otbasy, ushqan uıa - jylylyqtyń, jylýlyqtyń mekeni. «Otbasy» ataýynyń mánine tereń úńiler bolsaq, ottyń da úlken mańyzy bar ekenin sezemiz. Sondyqtan ottyń basy, oshaǵymyzdyń tútini túzý bolý úshin «Tilek shamy» jattyǵýyn bir - birimizge tilek aıta otyryp júrgizeıik. Bir - birimizge myna shamdy bere otyryp búgingi kezdesýden alǵan áserlerińizben bólisip, trenıń barysynda aıta almaı qalǵan oılaryńyz bolsa osy jerde aıtyp ketýlerińizge bolady.

Psıhologtyń qorytyndy sózi
Ulaǵatty ustazdar, ardaqty ata - analar jáne oqýshylar! Jel besikten, jer besikke deıingi adam ómirindegi tárbıeniń uıytqysy ata - ana men mektep. Bolashaq desek te, keleshek dese de bala - urpaq degen maǵynany bildiredi.
Adamnyń ózge tirshilik ıesinen aıyrmashylyǵy – dúnıege perzent ákelgen soń, onyń bolashaǵyn oılaý, adam etip tárbıeleý.