Meniń tańdaýym – QazUÝ
Armandar oryndalady, maqsatyń anyq bolsa!
«Sen de bir kirpish dúnıege, tetigin tap ta bar qalan» dep qazaqtyń uly perzenti, ǵulama Abaı atamyz aıtqanyndaı, ár adam osy ómirde óziniń ornyn taba bilý kerek. Al ol kirpishin qalaý úshin aldyna maqsat qoıa bilý qajet.
1934 jyly elimizdiń eń aldyńǵy qatarly ýnıversıteti, qarashańyraǵymyz ál-Farabı atyndaǵy Qazaq ulttyq ýnıversıtetiniń irgetasy qalandy. Búgingi kúni ýnıversıtetimizde 20 000-ǵa jýyq stýdent bilim alady. On úsh fakúltetten turatyn ýnıversıtette úsh myńǵa jýyq profesor-oqytýshylar quramy stýdentterge bilim berip keledi.
Qala ishindegi «Kazgýgrad» qalashyǵy dep atalyp ketken qutty mekende stýdentterdiń bilim alýyna barlyq múmkindik jasalǵan. Ó.Joldasbekov atyndaǵy 1600 oryndyq stýdentter saraıy, TMD elderindegi jalǵyz úlken aýqymdy «ál-Farabı» kitaphanasy, sportkesheni men stadıon, jańa ǵımarattar, áskerı kafedra, tehnopark, 5000 stýdentke arnalǵan stýdentter úıi, medısınalyq ortalyq jáne stýdentterge qyzmet etý ortalyǵy stýdentter ıgiligi úshin qyzmet jasap otyr.
Stýdentter saraıynda ónerli stýdentterge arnalǵan stýdentter klýby jumys atqarady. Stýdentter klýbynyń daryndy músheleri talaı baıqaýlardyń jeńimpazdary. Sonyń biri retinde, «Baqyt» bı ansamblin erekshe atap ótýge bolady.
Ýnıversıtetimizde dástúrli túrde «Jalyn» birinshi kýrs talanttaryn anyqtaý, «Stýdenttik kóktem», KVN, «Ana tili arýy-Jigit sultany» sıaqty baıqaýlar joǵary deńgeıde ótkizilip turady.
Sondaı-aq, stýdentterdiń kóshbasshylyq qabiletterin, uıymdastyrýshylyq qasıetterin damytý maqsatynda jastar uıymdary komıteti jumys isteıdi. Onyń quramyna «Suńqar» stýdentter kásipodaǵy, stýdentter Senaty, «Kómek» eriktiler qozǵalysy, stýdentter keńesi, Bolon úderisi boıynsha stýdenttik búro, stýdentterdiń ǵylymı qoǵamy kiredi. Qazirgi ýaqytta ýnıversıtettegi barlyq merekelik is-sharalar tikeleı atalǵan jastardyń qatysýymen ótedi. Erekshe atap ótý kerek taǵy bir jaǵdaı, atalǵan jastar bıylǵy jyly dástúrge aınalǵan IV Halyqaralyq stýdentter forýmyn oıdaǵydaı uıymdastyrdy.
Ǵylymmen aınalysqysy keletin stýdentter úshin de dástúrli túrde «Ǵylym álemi» sıaqty konferensıa, forýmdar uıymdastyrylyp turady. Inovasıalyq jobalarǵa qushtar, zaman aǵymynan qalmaýǵa tyrysatyn stýdentter úshin ár fakúltette bıznes-ınkýbatorlar, ýnıversıtette tehnopark qyzmet etedi.
Mine osyndaı úlken bilim oshaǵynan óz ornymdy fılosofıa jáne saıasattaný fakúltetiniń dintaný jáne mádenıettaný kafedrasynyń dintaný mamandyǵynan taptym.Jańadan ashylǵanyna qaramastan «Dintaný» kópshilikke tanymal jáne qoǵamǵa qajetti, suranysqa ıe mamandyqqa aınalyp otyr. Elimizdegi «Dintaný» mamandyǵynabólingenmemlekettik grant ıegerlerinińbakalavrıatboıynsha 70 paıyzǵajýyǵy, al magıstratýranyń 100 paıyzyál-FarabıatyndaǵyQazaqulttyqýnıversıtetiniń«Dintaný» bólimintańdaıdy. Bul kafedra ujymyna degen úlken senimmenqatar, kelelimindetter de júkteıdi. Óıtkeni, tereńbiliminesaıónegelitárbıealǵanazamat – elimizdińjarqynbolashaǵynyńkepili.
QazUÝ – talantty, daryndy stýdentterdiń basyn biriktirip otyrǵan meken. Syılastyq pen shynaıy dostyqtyń mekeni, QazUÝ – ǵashyqtardyń mekeni. QazUÝ – adamnyń tulǵa bolyp qalyptasýyna yqpal etip, tulǵanyń jan-jaqty qabiletin ashyp kórsetýine múmkindik beretin meken. Sol sebepti de, men ózimniń ál-Farabı atyndaǵy Qazaq Ulttyq Ýnıversıtetinde júrgenimdi ómirimdegi eń úlken sáttilik dep sanaımyn.
Kýrator-edvaızer fılos.ǵ.k.,dosent m.a. Qańtarbaeva J.Ý
Dintaný mamandyǵynyń 4 kýrs stýdentteri: Tanashbaeva Gúljanat, Hasenov Suńǵat
You Might Also Like
-
«Astana qalasynyń Nur-Sultan bolyp ózgertilýine qarsymyn». El turǵyndarynyń 69%-y osy pikirdi qoldap otyr. Biraq nege?
-
130 dan astam ult pen ókildi bir týdyń astyna biriktirip, olarǵa meıilinshe múmkindik jasap, óz salt -dástúrlerin jańǵyrtýǵa, óz tilderin jetildirýge barynsha jaǵydaı jasalǵan. Sondyqtan bolar qazir ...
