InfoHub Logo

«Astana qalasynyń Nur-Sultan bolyp ózgertilýine qarsymyn». El turǵyndarynyń 69%-y osy pikirdi qoldap otyr. Biraq nege? 

Birinshiden, biz jańashyldyqty qabyldaı almaımyz .Qulaqqa sińgen sol bir esimdi ǵana estip júre bergimiz keledi. 

Ekinshiden, alysqa ketpeıik . Biz mysalǵa ózimizdi alaıyq. Iá, siz ózińizdi alyńyz. Eń jeńil degende Astana kósheleriniń barlyǵyn tazalańyz. Sol úshin sizdiń esimińizdi qalaǵa beremiz. Sizdiń oıyńyz? Árıne oǵan ózińizdi laıyqty sanaısyz . Sebebi sizdiń bul qalaǵa úlken paıdańyz tıdi ǵoı. Endi Elbasymyzdyń eleýli isterin oı eleginen ótkizeıik. 1998 jyly Aqmola qalasy Astana bolyp aýysqan ýaqyt. «Kelisim jáne beıbitshilik», «Táýelsizdik» saraılarynsyz, «Han –Shatyrsyz», «Aq-Ordasyz», « Báıtereksiz» jazyq dala. Osyndaı qalany 21 jyldyń ishinde qazirgideı deńgeıge jetkizý ońaı is emes. Óıtkeni odan bólek Qazaqstanda 85 qala bar . Osy jyldar ishinde bul qalalardy da qaraýsyz qaldyrǵan joq. Barlyǵyn da Elordamen birge kórkeıtti. «Elbasy árbir qurylystyń basy-qasynda júrgendeı aıtty 
ǵoı» deıtin shyǵarsyz? Alaıda eshbir ǵımarat Elbasynyń kelisiminsiz salynǵan joq. 
 Úshinshiden,prezıdentimiz áli tiri .Biz tek ómirden ótken alyptarymyzdy ǵana ardaqtaıtyn halyqpyz. Eger ult kósemi taq ústinde ómirden ozsa, ataq pen madaqqa bólep, daý-damaısyz qala esimin bere salýshy edik. Ázirge qolda bar altynnyń qadiri bolmaı tur. 

Qoryta kele aıtarym, qala esimin syrt kıim retinde baǵalańyz. Ol ózgere beredi . Mańyzdysy siz ǵoı! Tek ózimizdi kórkeıte bereıik. Áli qansha kıim aýystyramyz ? Ol beımálim dúnıe.

Anzıa Asanova

 

---