InfoHub Logo

Mine,bıyl altyndaı qymbatty,bilim men tárbıeniń oshaǵyna aınalǵan aıaýly mektebimizge 100 jyl!Bul-úlken qýanysh,zor mártebe!Sonymen qatar úlken jaýapkershilikti qajet etetin is bolyp tabylady.

   Osynaý 100 jyl ishinde mektebimiz qanshama túlekti uıadan ushyryp,qıaǵa qanat qaqtyryp keledi.Al,sol bitirýshi túlekter mektep atyna kir keltirmeı birazy derlik  joǵary oqý oryndaryna túsip,muǵalim bergen bilimniń esh ketpegendigin kórsetedi.Abaı atamyzdyń mynadaı bir sózi bar: «Ustazdyq etken jalyqpas,úıretýden balaǵa».Iá,rasymen de ulaǵatty ustazdarymyzdyń bizderge úıretken ár nársesi kókeıde saqtalyp jemisin berip jatsa,onda bul ustazdyń oqýshylar úshin tókken teriniń jemisin beredi.

  Men,bıyl altyn uıa mektebimniń bitirýshi túlegimin. «Tuzyn iship,tuzdyǵyna túkirme» demekshi,mektebimdi jamandap,oǵan kir keltirmek emespin.Sebebi,kıeli bilim ordasy sanalatyn mektebimdi eshqashan jamandamaq nıetim joq.Kerisinshe,osyndaı  mektepte oqyǵanymdy maqtanyshpen aıtyp,úlken rızashylyǵymdy bildirmekpin. «Tardaı bolyp kirip,taýdaı bolyp shyǵasyń» degendeı ,osynaý 11 jyl ishinde kishkentaı búldirshin bolyp kelip,qalaı erjetkenimizdi de bilmeı qalyppyz!Áıtse de,osy 11 jyl ishinde qoǵamdyq jumystarǵa belsene aralasyp,túrli ǵylymı joba,aqyndar músháırasyna,olımpıadalarǵa t.b. is-sharalarǵa qatysyp,júldeli oryndarǵa ıelenip kelemin.Saıf Saraıdyń mynadaı ulaǵatty sózi bar: «Ustazdyń abyroıy bolmasa-shákirtteri onyń saqalymen oınaıdy».Sondyqtan da,abyroıly ustazdarymnyń jetistikke jetýime sebepshi bolǵandyǵyn eskermeske bolmas.

  Sóz sońynda altyn uıa mektebimdi mereıli merekesi 100 jyl tolýyna oraı,óz shyǵarmashylyǵymdaǵy myna bir óleń shýmaqtarymen qorytyndylamaqshymyn:

Mektep jaıly jazsam men bir úzik syr,

Mektep degen belesi kóp bıik shyń.

Eń kıeli bilim orda sanalar

Sáýle shashar kúnniń ásem nurysyń.

 

Júrek týlap,ón-boıyńdy kernep shabyt,

Bul mektepke shákirt bolý úlken baqyt.

Túlekteriń óleń jazsa shýmaqtatyp,

Tyńdar ony qushtarlyqpen dúıim halyq.

 

 

Shet-shetinen ónerli órenderiń,

Bul,árıne mektebim ór eńbegiń

Mektep degen ekinshi úı,altyn uıa,-

Demep pedi talaı aqyn,kemeńgeriń.

 

Mereıli mektebime-100 jyl mine,

Negizinde bilim-teńiz,mektep-keme.

Qýanyshpen asqaqtatyp toılasynshy

100 jyl tolǵan merekeńdi dúrkirete!

 

Men bıylǵy túlep ushar túlegińmin,

Mektep seni qımaı keıde túneremin.

Estelik bop qalsyn deımin bul óleńim

Bitirýshi 101-inshi túlegińniń!

---