InfoHub Logo

     Talaptyń minip tulparyn...Iá,talabyń taýdaı bolsa kemel keleshigińde jarqyn bolatyny anyq.Al,búgingi tańdaǵy basty talaptardyń biri-bilim kózi.Osy tusta kóshbasshymyzdyń myna bir qundylyǵyn joımaǵan sózi esime  tústi: «Qazir boı jarystyratyn emes,oı jarystyratyn zaman».Demek,bar nazarymyzdy oqýǵa,bilimge aýdarýymyz kerek degen sóz.Kóp oqyǵan ozar.Bárinen ozamyn dep qoǵamda bolyp jatqan ózekti máselelerden tys qalsań taǵy bolmas.Jalpaq tilmen aıtqanda,izdenistik tanytyp,bilimge zeıin qoıa júrip,elimizdegi saıası jańalyqtardan habardar bolyp,qulaq túrip júrýimizde jón bolady.Sebebi,saıasatqa bir taban jaqyn bolsaq órisimiz keńeıip,ózimizdi odan ári shyńdaı túsemiz.Eger bizder «óskeleń urpaq bizge qarap boı túzeýi kerek» ekendigin eskersek,aldymen ózimizdiń bilim deńgeıimizdi arttyrǵanymyz jón.

   Qazirgi tańda elimizdiń barlyq óńirlerinde delik bilim salasyna túrli múmkindikter jasalǵan.Aıtalyq, «úshtildilik-zaman talaby» demekshi úshtildi sabaqtar ótilip,kıeli bilim ordasy sanalar mektepterimiz túrli tehnologıalarmen jabdyqtalǵan.Bir sózben aıtsaq,saýatty da sanaly shákirt tárbıeleý jolynda barlyq jaǵdaı qarastyrylǵan.Bul, árıne,elbasymyzdyń sarabdal saıasatynyń arqasynda júzege asqan jemisti is bolyp tabylady.Jastar-elimizdiń bolashaǵy.Oǵan dálel elbasymyzdyń kezekti joldaýlarynyń birinde «Bolashaq-jastardyń qolynda!» degeni.Halqynyń bolashaǵy úshin kúresetin negizgi qural-jastar.Iá,kezinde M.Jumabaev syndy ulylardyń ózi «Men jastarǵa senemin!» dep bizderge úmit artqan.Qanattyǵa qaqtyrmaı,tumsyqtyǵa shoqtyrmaı perzentiniń bolashaǵyn oılap shyr-pyr bolatyn ata-anamyz,«bala-balym,balamnyń balasy-janym» dep tileýimizdi tiler ata-ájemizde bizge úmit artyp,bolashaǵymyzdyń bulyńǵyr bolmaýyn tileıdi.Al,sol úkilegen úmitti aqtaý bizderdiń basty maqsattarymyzdyń biri sanalady.Osydan keıin oılanyńyz: «Men sol úmitti aqtaı alamyn ba?» dep.Árıne «ıá» ,tek oǵan ózińiz talpynys jasap,kóp ter tógip,maqsatyńyzǵa jetpeı tynbaýyńyz kerek.Maqsat qoıa bilińiz.Maqsatqa jetý jolynda naqty qadam jasańyz.Sońy jetistikpen aıaqtalatynyna senimdi bolyńyz. «Ózińe sen,ózińdi alyp shyǵar,eńbegiń men bilimiń eki jaqtap»,-dep uly Abaı atamyzdyń boıyńa erekshe jiger men qulshynys berer óleńin zerdelep,oı tarazysynan ótkizseń jaman bolmaıtynyń aıdan anyq.Bul zaman bilekke emes,bilimge senetin zaman.Sondyqtan da elimiz bilimge qushtar,izdenisti unatar,bilekti de bilimdi,órisi keń,máseleni maqulmen emes aqylmen sheshetin jastardy kerek etedi. «Aqyryn júrip anyq bas,eńbegiń ketpes dalaǵa» degendeı,  bolashaqtyń tizginin ustar bilimdi jastarymyzdyń eńbegi dalaǵa ketpeı,jemisin bererine kámil senemin.

---