InfoHub Logo

«Qazirgi dáýir atys aıqaıdyń dáýiri emes, is dáýiri», -dep Sultanbek Qojanov aıtqandaı, qazir sózge emes, iske kóshetin zaman. Qazaqstan táýelsiz el bolǵaly 26 jyldan asyp keledi. Sonaý ǵasyrlar qoınaýynyń qatpar-qatpar belesinen baıqasaq, Qazaqstan «Táýelsiz el» atanǵanda búkil alash jurty «mine, el boldyq, erkindik qolymyzǵa tıdi» dep qýana bórikterin aspanǵa atqandary taıǵa tańba basqandaı anyq baıqalady. Qazaq eliniń  sońǵy jıyrma alty jyl tutqasyn ustap, týyn kótergen turlaýly da tuǵyrly tulǵasy - tuńǵysh prezıdentimiz N.Á.Nazarbaevtyń basshylyǵymen álem moıyndaǵan, jahanǵa aty jetken memleketke aınaldy. «Biz álemdik mádenı qundylyqtarmen úndes jańa zamanǵa qazaqtyń ozyq mádenıetin qalyptastyrýymyz kerek» deıtin elbasymyz, elimizdiń endigi tarıhyn ulylar rýhynda odan ári jańǵyrtýda. Táýelsizdik alǵan sáttiń alǵashqy jyldarynan bastap elbasymyzdyń joldaýlary Qazaqstan halqyna baǵyt-baǵdar berip, bolashaqqa nyq senimmen qaraýǵa múmkindik berdi. Qaıta túleý jolynda halqynyń qamy úshin qaltqysyz eńbek etip júrgen kemeńger elbasymyz búgingi kúnge deıin jańǵyrýdyń úsh satysymen tolyqqandy tanystyryp ótken bolatyn. Bizder alǵashqy jańǵyrýda ekonomıkadan naryqtyq ekonomıkaǵa ótken bolsaq, ekinshi jańǵyrýymyz «2030 strategıalyq baǵdarlamasynyń qabyldanýy» bolyp eseptelindi. Al, úshinshi jańǵyrýymyzdyń orny orasan zor. Búginde «Bolashaqqa baǵdar: rýhanı jańǵyrý» dep atalatyn Qazaqstannyń úshinshi jańǵyrýy kimniń de bolmasyn delebesin qozdyratyny aıdan anyq.

Ómir súre bilý úshin ózgere bilý qajet. Mine, egemen eldiń erteńgi kúni jarqyn bolsyn desek, kúni búginnen, tipti dál qazirgi sátten bastap tynym tappaýymyz kerek. Elbasymyzdyń «Bolashaqqa baǵdar: rýhanı jańǵyrý» atty maqalasyn oı tarazysynan ótkizgen soń, aýqymdy jáne mańyzdy jumystardyń irgetasyn birge qalaǵanymyz jón. Sabaqty ıne sátimen. Osyndaı iri, aýqymdy jumysymyz jemisin berse eken deımin. Sonymen qatar, sarabdal saıasatynyń jemisin kórip kele jatqan elbasymyz, elimizdi áli talaı-talaı bıik shyńdar men tolaǵaı tabystarǵa jetkizetinine senemin!

---