InfoHub Logo

Bilim salasy: «Shyǵarmashylyq»
Uıymdastyrylǵan oqý is - áreketi: Japsyrý
Maqsaty: Balalardy tórt túlik maldyń tólderimen tanystyra otyryp, olardyń árqaısysynyń orny, adamǵa tıgizer paıdasy, erekshelikteri jónindegi bilimderin keńeıtý. Ertegini muqıat, zeıin qoıyp tyńdaýǵa úıretý.
Japsyrý iskerlikterin, kórkemdik talǵamdaryn qalyptastyrý.
Balalardyń oı - qıalyn, shyǵarmashylyq qabiletterin, tilin damytý. Qamqorlyqqa, meıirimdilikke, eńbeksúıgishtikke, uqypty jumys isteı bilýge tárbıeleý.
Ádis - tásili: Kórsetý, túsindirý, ertegi aıtý, oıyn, suraq - jaýap, sergitý, baǵalaý, madaqtaý.
Kórnekiligi: Tórt túlik maldyń tólderi, qora, sýretter, japsyrýǵa qajetti zattar.
Pánaralyq baılanys: Kórkem ádebıet, til damytý, qurastyrý.

- Balalar, kún bizge nuryn shashyp tur eken. Qane, bárimiz amandasyp alaıyqshy!
- Amansyń ba, altyn kún!
- Amansyń ba, kók aspan!
- Amansyńdar ma, dostarym!
- Senderdi kórsem qýanam!
- Balalar, sender kóp ertegi bilesińder. Biletin ertegilerińdi atap berińdershi.
- «Shalqan»,»Baýyrsaq», Úıshik».
- Janýarlar týraly qandaı ertegi bilesińder?
- «Jyl basyna talasqan haıýanattar»,»Tólder jyry».
- Jaraısyńdar, búgin men senderge «Tólder aıtysy» degen ertegini aıtyp beremin.
(Ertegide ondaǵy qozynyń anasyn izdep júrgeni týraly aıtylady)

- Balalar, qozyǵa anasyn tabýǵa kómektesemiz be?
- Ia, kómektesemiz.
- Qozynyń anasyn ne dep ataımyz?
- Qoı dep ataımyz.
- Ol qalaı dybystaıdy?
- Má - má
- Ia, biz búgin japsyrý oqý is - áreketinde qozyǵa anasy qoıdy jasap beremiz be?
- Ia, jasap beremiz.
- Qoıdyń basy qandaı pishinge uqsaıdy?
- Kishkentaı sopaqshaǵa uqsaıdy.
- Al denesi she?
- Úlken sopaqshaǵa uqsaıdy.
- Al, aıaqtary qandaı pishinge uqsaıdy?
- Tik tórtburyshqa uqsaıdy.
- Balalar, men senderge daıyn qoıdyń úlgisin alyp keldim, biraq oǵan birnárse jetispeı tur. Ol ne ekenin kim aıtady?
- Ústinde júni joq, aıaǵy joq.
- Durys aıtasyńdar, endeshe, biz qoıdyń ústine jún japsyryp, aıaǵyn qystyrǵyshpen jasaımyz. Jumysqa kirispes buryn boıymyzdy sergitip alaıyqshy.

Sergitý jattyǵýy:
Qoshaqany qoıdyń
Qaıda qalyp qoıdyń?
Bultıyp tur búıiriń
Qaı óristen toıdyń?
(Balalarǵa qoıdyń jasalý ádisin kórsetý, jeke jumystar júrgizý)
- Balalar, qoılar qaıda turady?
- Qorada turady.
- Endeshe, jasaǵan qoılarymyzdy qoraǵa ákelip qamaıyqshy.
(Balalar jasaǵan jumystaryn qorshalǵan qoraǵa ákelip qoıady)
- Jasaǵan qoılarymyzdyń ishinen qozynyń túsine uqsas qoı bar ma eken, qaraıyqshy. Endeshe, aq tústi qoıymyz osy qozynyń anasy bolsyn. Qozy senderge anasyn taýyp bergenderińe rıza bolyp tur. Senderdiń bárińniń jasaǵan qoılaryń óte ádemi bolypty. Osy tólder týraly taqpaq bilemiz be?
(Balalar taqpaq aıtady)

Dıdaktıkalyq oıyn: «Daýysyna qaraı ajyrat»
Sıqyrly kitapshadan úı janýarlarynyń daýysy shyǵady. Balalar olardy ajyratyp, ózderi qaıtalap salady.
- Jaraısyńdar, balalar! Búgingi oqý is - áreketine óte jaqsy qatystyńdar!
Kútiletin nátıje: Bilýi: Úı janýarlarynyń tólderin ajyratyp, adamǵa tıgizer paıdasyn bilý.
Meńgerýi: Suraqqa tolyq jaýap berý, japsyrý, jasalý ádisin meńgerý.
Jasaı alýy: Óz betterinshe shyǵarmashylyqpen jumys jasaý