InfoHub Logo

5 synyp
Qazaq tili
Sabaqtyń taqyryby: Turaqty tirkesterge arnalǵan jattyǵý jumystary.
Sabaqtyń maqsaty: Oqýshylarǵa ár túrli jattyǵý jumystaryn júrgize otyryp, turaqty tirkester jónindegi alǵan maǵlumattaryn bekitý
Sabaqtyń damytýshylyq maqsaty: Sóıleý sheberligin damytyp, sóz baılyǵyn molaıtý, oıyn kórkem tilmen jetkizýge úıretý.
Sabaqtyń tárbıelik maqsaty: Yntymaqqa, birlikke úıretý, adamgershilik qasıetterin qalyptastyrý.
Sabaqtyń túri: Bekitý, pysyqtaý sabaǵy
Sabaqtyń dástúrden tys túri: Saıys sabaq.
Sabaqtyń ádisi: Aqyldy taqtada synaq sabaq, STO strategıasy.
Sabaqtyń kórnekiligi: Aqyldy taqta

Sabaqtyń barysy:
1). Uıymdastyrý.
İ. Qyzyǵýshylyqty oıatý.

Oqýshylardy úsh túrli fıshkamen úsh topqa bólip alý, top attaryn qoıý. Osy tańdaǵan attaryna baılanysty bir turaqty tirkes oılap aıtý.(Osy jumystyń taǵy da alǵan attaryna baılanysty sabaq sońynda turaqty tirkester oılap jazatynyń aıta ketý) Mysaly. Aýyz, t. b.
İİ. Maǵynany ashý.
Tapsyrmamen tanystyrý.
2). Ótken sabaqqa qysqasha sholý jasaý.
İ. Suraqqa aýyzsha jaýap
1. Turaqty tirkes degenimiz ne?
2. Turaqty tirkester sóılemde qandaı qyzmet atqarady?
3. Turaqty tirkesterdiń syńarlaryn basqasha sózben aýystyrýǵa bola ma?
4. Turaqty tirkesterdiń sınonımdik balamasyna mysal keltir.
5. Maǵanasy jaǵynan qarama – qarsy bolatyn turaqty tirkesterge mysal keltir.
6. Turaqty tirkester sóılemde qandaı suraqqa jaýap beredi?
3) Alǵan bilimdi bekitý, qaıtalaý

İİ. Turaqty sóz tirkesimen beınelep qalaı aıtýǵa bolady?
1. N. Naýshabaev atamyz aqyn, ánshi, kompozıtor, saıatshy, palýan ári aıtysker adam edi.
Bundaı adamdy qalaı dep ataıdy?
2. Áıgerim mádenıet úıine konsert kórýge baryp edi, biraq otyrarǵa oryn bolmady. Ol úıge kelip ne dedi?
3. Jandostyń lagerde birge bolǵan jaqsy dosy bar eken. Sol dosy týraly únemi aýzynan tastamaı aıtyp otyrady. Únemi tastamaýdy ne deıdi?

İİİ. Ajyratyp jaza ǵoı.
Tómendegi sóılemderdiń ishinde qaramen jazylǵan sóz tirkesteriniń qaısysy jaı sóz tirkesi, qaısysy turaqty tirkes ekeniń ajyrat. Turaqty tirkestiń maǵynasyn ash.

1. Bul qol – seniń qolyń emes.
2. Bul jumys seniń qolyń emes.
3. Tákejandar keńesi Abaıǵa eki túrli talap qoıyp, júk artqan.
4. Júk artqan túıe keıin keledi.
5. Kishkentaı Jumash bórkin aspanǵa laqtyryp oınap júr.
6. Emtıhandy jaqsy tapsyrsań, bórkińdi aspanǵa laqtyrasyń.

İÚ. Berilgen turaqty sóz tirkesterinen sınonımdik maǵynadaǵy tirkesterdi bir bólek, antonımdik tirkesterdi bir bólek jaz.
Aýzyn býǵan ógizdeı, jer aıaǵy qıanda, aýzy - aýzyna juqpaý, dymyn shyǵarmaý, ıt ólgen jer, jumǵan aýzyn ashpaý, taıaq tastam jer, kózi alaqandaı boldy, júrek jutqan, tóbe shashy tik turdy.

Berilgen turaqty tirkesterden sóılemder qurap jaz.( taqtamen jumys)

Shybyq tımeı shyńq eter, sóziniń aıaǵyn jep qoıady, aram tamaq, sózi túıeden túskendeı, qoıan júrek, betimen ketken, adamgershilikten jurdaı.

Óz toptaryńnyń attaryna sáıkes sýretti alyp, turaqty tirkester oılap jaz. (aqyldy taqtaǵa jazyp kórsetedi.)

İİİ Oı tolǵaý.

4) Qorytyndy
Sabaqty qorytyndylaý úshin
«Bir sózben aıtqanda» oıyny júrgiziledi. Berilgen turaqty sózderdi bir sózben aıtý kerek.
Barmaǵyn tisteý -
Kóz alartý –
Aq saýsaq -
It terisin basyna qaptaý –
Soıyp qaptaǵandaı –
Silesi qatý -
Tas júrek –
Betinen oty shyǵý -
Beti shimirikpeý –
Qulaq aspaý -
Arasynan qyl ótpeıdi –
Tostaǵanyn jýyp aldy -

1 jaýap - 1 upaı
2 jaýap - 3upaı
3 jaýap - 5 upaı
Ajyratýǵa 2 upaı, maǵynasyn ashýǵa 3upaı
Sınonımge 2 upaı, antonımge 2 upaı
1 - 7 sóılem 5 upaı, 1 - 5 sóılem 3 upaı, 1 - 3 sóılem 1 upaı.