InfoHub Logo

Jyldyń mezgiline qaraı adamnyń óz­-ózin sezinýi ár­túrli bolady. Qara kúz ne qys kezinde talaı adam bo­jyraı bastaıdy. Bul — adamdy kún sáýlesi jaryt­paıtyn mezgil. Kóńil kúıińiz nasharlaıdy, kúshińiz ál­sireıdi, maýjyraı beresiz, táttige ne krahmaly mol tamaqqa umtylasyz,  salmaǵyńyz da aýyrlaı túse­di. Munyń bári mı shyǵaratyn gormon — melatonın deńgeıine baılanysty. Jaryqtyń jetispeýiniń bir saldary osy. Basqa bireýlerdiń gıpotezasy — mı shy­ǵaratyn, kóńil kúıin retteýge qatysatyn seratonın­ge baılanysty.

Oqýǵa keńes beremiz:

Melatonın degen ne?

Túngi uıqyǵa ne jetsin

— Baspanańyzǵa, ásirese ózińiz kóbirek bolatyn ból­meńizge tabıǵı jaryqtyń molyraq túsýi úshin bárin de isteńiz. Shymyldyqty, perdeni,  jalúzıdi meılinshe ashyp qoıyńyz. Aǵash butaqtary terezeńizdi jaýyp tursa, olardy kesip tastańyz.

— Kúndi bult baspaıtyn kúnderi dalada qydyryńyz. Qys kezinde kún jaryǵy jazdaǵydaı emes, degenmen ol jaryq bólmedegi jaryqtan áldeqaıda kúshti.

Oqýǵa keńes beremiz: 

D dárýmeniniń tapshylyǵy: bilý kerek belgiler

—  Eń uzaq demalysyńyzdy qys aılaryna jospar­lańyz da múmkindiginshe kún sáýlesi jylyta alatyn jerde ótkizińiz.

— Tán jattyǵýlary bojýdy aıtarlyqtaı álsirete­tinin ǵylymı zertteýler áldeqashan dáleldegen. Bir­aq qys kezinde sportpen aınalysý da op­oń-aı emes. De­genmen denińizdi saýyqtyratyn klýbqa jazylyńyz.

— Sporttyń qysqy túrimen aınalysyńyz. Eger sol sport unasa, kún sýyq bolsa da siz dalaǵa umtylasyz. Kónkımen nemese shańǵymen  syrǵanap kórińiz. Kún bulyńǵyr bolsa da, aspan astyndaǵy tabıǵı jaryq áldeqaıda mol bolady.

Oqýǵa keńes beremiz:

Sportpen aınalysý kúızelisten arylýǵa qalaı kómektesedi?

— Shaıqýraı (zveroboı) degen shóp bar. Sodan jasal­ǵan saýmaldyń 40—60 tamshysyn bir ystaqan sýyq sýǵa tamyzyp, kúnine úsh ret ishińiz. Sońǵy 20 jylǵy zert­teýler shaıqýraıdyń bir zaty kóńil kúıdi kóteretin se­rotonındi mıdyń kóbirek shyǵarýyna kómektesedi deıdi. Biraq shaıqýraıdiń bir olqylyǵy — ol teriniń kún sáýlesine shydamdylyǵyn kemitedi. Demek shaıquraı saýmalyn paıdalanatyn adamnyń kún kózine kóbirek qydyrarda terini kún sáýlesinen qorǵaıtyn krem jaqqany jón.

Oqýǵa keńes beremiz:

Ózińdi shyn máninde baqytty sezinýdiń 8 ǵylymı joly

— Kún saıyn polıvıtamınder men mıneral qosym­shalardy jutyńyz. Tek olarda V6 vıtamıni, tıamın jáne folıı qyshqyly bolsyn. V tobyndaǵy osy vı­tamınder kóńil kúıin jaqsartýǵa kómektesetinin ǵylymı zertteýler kórsetken.

—  Pırojnyı, kámpıt, taǵy basqa táttini aýyzǵa tyǵa bermeńiz. Shaqpaq qant az ýaqytqa kúsh beredi, biraq onyń dámi aýyzdan ketken boıda, kóńil kúıińiz de nasharlaıdy. Belogy mol tamaq ishińiz. Azanǵy as retinde jumyrtqanyń aǵynan jasalǵan omlet, túski asqa taýyqtyń pisirilgen (qýyrylǵan emes) tós etin jeńiz.

—  Joǵarydaǵydaı jaǵdaılardaǵy sekemińizdi úı ishine, dostaryńyzǵa aıtyp, olardyń qoldaýyn kú­týge de bolady. Eger olarǵa sizdiń qarańǵy kúnderi qatty qınalatynyńyzdy bilse, olardyń siz úshin kóńildendiretin basqa bir amaldar oılap tabýy ábden yqtımal.

— Alkogol­dan bas tartyńyz. İshimdik az ýaqytqa kóńlińizdi jaılandyryp, sekemińizden aryltady. Biraq alka­goldiń depressant ekenin, onyń mas qylatyn áreke­ti aıaqtalǵanda, kóńil-kúıińiz kúrt tómendeıtinin umytpańyz.

— Aıtylǵandardy istep, biraq jóndi nátıje shyqpasa, jaryqpen emdelý jaıynda dárigermen aqyldasyńyz. Ondaı shamdar úı shamy­nan 10—20 ese jaryq bolady. Árbir seans jar­ty saǵatqa, odan da kóp ýaqytqa sozylýy múmkin. Onyń yqpalymen melatonınniń de, seratonınniń de mólsheri kóbeıedi.

Oqýǵa keńes beremiz:

Kóktaıǵaqta qulap, jaraqat almas úshin ne isteý kerek

Vırýstarmen qalaı kúresý kerektigi jóninde dáriger Komarovskııden nusqaýlyq

Dáriger-polárshydan qatty aıazda durys tynystaýdyń 8 erejesi

Qys mezgilindegi eń paıdaly jemister

---