Mine, taǵy ashý kelip, alqymyma tyǵyldy,
Aqylymnyń esiginen attaı bere jyǵyldy.
Kóldeı tunyq kóńilime qoqys tastap laılap,
Keı pendeler qaınatady-aý, qaınatady-aý zyǵyrdy.
İnim aıtsa bas ızedim, aǵam aıtsa qosh kórdim,
Jannyń bárin jatyrqamaı, jaqsy dedim, dos kórdim.
Aralaryn ajyratý munshama aýyr bolar ma,
Adaldyq pen aramdyq dep atalatyn qos beldiń.
Maqul deıin, kiná ózimde, ózime aıyp taǵaıyn,
Aq janyma, pák janyma qalaı kúıe jaǵaıyn.
Adalsyń ba, qolyndy ber, senen tálim alaıyn,
Aramsyń ba, aýlaq-aýlaq mańaıymnan, aǵaıyn.
Arym, mine, sútteı appaq aldyma kep jylap tur,
Jaýtańdaǵan janarynda jalǵyz ǵana suraq tur.
Ómirdegi adamdyqty, adaldyqty terip al,
Qalǵandaryń qulan jortpas qula dúzge laqtyr!

---