Kezimde qadirimdi sezbes mynaý,
Beker-aq, qarǵam, maǵan kezdestiń-aý
Kelmeske áldeqashan attandyrǵan,
Keremet kúnderimmen kezdestim-aý!..
Janyma saldyń meniń tózbes tumaý
Qarǵam-aı, qalaı desem aıta alamyn,
Jalǵan-aı, qaraı bersem, jaı tabamyn.
Arman-aı, qalaı kelsem qaıtaramyn?
Qalaı desem laýlaıdy qaıta jalyn?
Qaıtalaǵym keledi, qaıtalaǵym...
Kóńilimniń sybyrlap kók quraǵy.
Aqqýy ushqan aq aıdyn kóp tunady.
Soltústikke jyly aǵys jetti me eken?\'
Bir jyly aǵys sen jaqtan betke urady,
Betim tosqym men oǵan kep turady.
Sýynbasam, shirkin-aı, sýynbasam!
Sýytatyn sýyqqa urynbasam.
Muz bolsa da júregiń eriter em,
Sál keshirek sen menen týylmasań,
Sál erterek senen men týylmasam...

---