InfoHub Logo

Mysyq tuqymdas jyrtqyshtardyń tirshilik qurýynda, tegi reńderinde de uqsastyq bar. Jolbarys, arystan jáne mysyq árýaqyt jemin aýlaǵanda dybysyn shyǵarmaı, jasyrynyp keledi.

Mysyq Egıpette budan 6 000 jyl buryn qolǵa úıretilipti. Sol jerdegi qazbadan mysyqtyń buzylmaǵan óligi tabylǵan. Mysyqtardy bir ǵana maqsat úshin tyshqandardy kurtý úshin ǵana ósirgen, sondyqtan olardyń tuqymdarynyń túri kóp emes.

Mysyqtyń kórgishtigi adamnan alty ese artyp túsedi. Ol tanys adamyn 100 metrden artyq qashyqtyqtan-aq tanıdy. Biz kúnge tike qaraı almaımyz, al mysyq bolsa oǵan erkin qaraıdy. It adamnan, al mysyq ıtten de jaqsy estıdi eken. Tynyshtyqta mysyq 20 metr qashyqtyqtan shyqqan tyshqan qımylyn seze biledi.

Karańǵylyqtaǵy zattardy mysyq uzyn murttary men jáne qasymen de baıqaı alady. Tájirıbelerde murtty mysyq túnde qıyn-qystaý joldardaǵy zattarǵa soqtyǵyspaı óte alǵan, al murtyn alyp tastaǵanda, oǵan kerisinshe, zattarǵa soqtyǵysa bergen. Zertteýshilerdiń baıqaýynsha mysyq murtymen jemniń kólemin, onyń qozǵalysyn da baıqaı alady eken.

Mysyqtardy joǵary kóterip, shalqalatyp jerge tastasań, olar árýaqyt tórt aıaqtap jerge túsetini belgili. Munyńda da ózindik zandylyǵy bar. Mysyq jerge qulap kele jatyp quıryǵyn aınaldyra qozǵaltyp, tórt aıaqtap túsýine jaǵdaı jasaıdy eken. Al, adamdarda mundaı quıryq joq. Eger onyń ornyna adam bir aıaǵyn mysyqtyń quıryǵynsha burap qozǵaltsa, kosmos keńistiginde onyń da ózin-ózi ıgere alatyndyǵy baıqalǵan.

---