InfoHub Logo

Shákirt – meniń mártebem.
Men – baspaldaq, men arqyly
Sharyqtasyn ol aspandap!

Ómirde muǵalimdik mamandyq ıeleri erekshe qurmetpen atalady. Ustazym, meniń ustazym, Ózińmen ótken qys-jazym. Qaldyrǵan iziń máńgilik, Jadymda turar jańǵyryp! Osynaý ánniń jyr joldarynda aqyn barsha adamdardyń qolyna alǵash qalam ustatyp bilim men tárbıe bergen ustazdaryna máńgi mahabbatyn, sýymas ystyq yqylasyn qalaı syıǵyza bilgen deseńizshi!

Shynyda, muǵalimdik men úshin – eń ardaqty eń qurmetti mamandyq. Meniń ómirlik ustazym ómiriniń 40 jylyn pedagogıka salasyna jumsaǵan, ónegesi men tárbıesi bizge taǵylym bolǵan ózimniń atam – Saýranbaev Baltabaı Bázildáýituly. Bala kezimnen atamnyń ulaǵatty ustazdyq jolyn qýyp, izin jalǵastarýdy armandap, búgingi tańda ata jolyn jalǵastyrýda óz bilimimdi jalǵastyrýdamyn. Men úshin atamnyń ustazdyq jolyn dáriptep urpaqqa uran etip qaldyrý, muǵalimdik mamandyqtyń qyr-syryn túsinip, ony ashý, jas urpaqtyń boıyna sanaly tárbıe, sapaly bilim berip ómirmen ushtastyrý basty maqsatym. Atam geografıa pánin jetik meńgergen Sovet odaǵyna eńbegi sińgen, qurmetti azamat, maıtalman maman bolǵan. Oqýshy kezimde maǵan arnap jazǵan óleń joldarynda ataqty fýtbolshylar: D.Maradona, Pele syndy  bolýyma bergen batalary qabyl boldy desem artyq emes.

Ata jolyn qýyp dene shynyqtyrý páni muǵalimdik mamandyqty tańdadym. Muǵalim mamandyǵy - barlyq mamandyqtyń anasy. Ǵalym da, shahter de, kenshi de, tipti bári de osy muǵalimniń sepken daqyldarynyń dáni, jemisi deýge bolady, al muǵalim - bilim berý salasynyń negizi, jany jáne júregi dep uǵyný kerek. Sebebi, rýhan baı, izdenimpaz adamgershiligi mol adamdy qalyptastyrýshy, qazirgi zamanda aqparattandyrýshy deımiz. Ustaz bergen tárbıe men bilim árbir jannyń ómirine jol silter shamshyraq bolyp, baǵyt-baǵdar bolary anyq.

Men jaqsy qasıetterdi boıyma sińirgen, jaqsydan tálim-tárbıe úırengen bala janyn túsinip, óz pánin súıe biletin zaman talabyna saı jańashyl muǵalim bolý maqsatynda qazirgi tańda Ońtústik Qazaqstan Memlekettik pedagogokalyq ýnıversıtetinde 3 kýrsynda  bilim alyp, shyńdalýdamyn. Al, «Ustazy jaqsynyń ustamy jaqsy» degendeı meniń bilim beretin bolashaq shákirtterim - qalyqtap ushar qyrandary men erteńgi eldiń eńseli bilimdi urpaqtary bolaryna senemin. Qazirgi zaman bólek, talap tereń, oqýshyǵa beriletin bilim de jańasha, san qyrly. Sondyqtan, jańashyldyqtyń dáýirin keshin júrgen oqýshyny tárbıeleýde jaǵa úrdispen júrý muǵalimderge júktelip otyrǵan basty mindet. Meniń oıymsha kez-kelgen adam ustaz bola almaıdy, sebebi ustazdyq óner-taǵylymy tereń óner. Al ónerli bolý kez kelgen adamǵa qona bermeıdi. Ustaz únemi izdenis ústinde bolýy kerek. «Ustaz bolý óz ýaqytyńdy aıamaı, ózgeniń baqytyn aıalaý» dep M.Áýezov aıtqandaı únemi aıanbaı eńbekti talap etedi, ómirdiń kirpishin durys qalaýdy, durys tańdaýdy úıretedi. Men mamandyǵymmen maqtanamyn. Ybyraı, Ál Farabı, Abaı, Muhtar syndy adamzattyń asyldary  negizin qalaǵan, barlyq mamandyqtyń bulaq kózin ashqan, mamandyqtyń padıshasy-ustazdyq  mamandyǵyn tańdaǵanyma esh ókinbeımin.

Qorytyndlaı kele muǵalim baqyty-bilimdi urpaqta, abyroıly eńbekte der edim. «Shákirtsiz - ustaz tul» demekshi oqýshylar barda, men de barmyn. Meniń mártebem – shákirt, al men baspaldaqpyn, demek shákirtimmen birge bolashaqtyń irge tasyn qalap, onyń  aspandap sharyqtaýyna óz úlesimdi aıanbaı qosamyn, bul meniń ustazdyq ustanymym.

---