InfoHub Logo

Itmuryn — lımonǵa qaraǵanda 60 ese artyq S dárýmenine ıe ekendigin bilesiz be?

Kúshti antıoksıdant bolyp tabylatyn ıtmurynnyń artyqshylyqtary men paıdalary munymen toqtamaıdy. S dárýmenimen qosa A, V, E, K dárýmenderi jáne magnıı, temir sekildi mıneraldary arqyly ımýnıtetti kúsheıtýmen qatar, júıke júıesi men jasýsha jańalanýy turǵysynda paıdasy bar. As qorytý jumysyn jaqsartady jáne ish qatý mazasyzdyǵy barlarǵa tabıǵı shıpa kózi bolyp tabylady. Qandaǵy jaman holesterın mólsheriniń tómendep, jaqsy holesterın mólsherin kóteretin ıtmuryn, júrek pen qantamyr dertterine shıpa bolady. Quramyndaǵy K dárýmeni arqyly qannyń uıýyn qamtamasyz etedi. Sol sebepti qantamyrlardyń bitelýi, tromboz sekildi naýqastardyń azdap tutynǵany abzal. Azyqtardaǵy temirdiń aǵzaǵa sińimdiligin arttyratyndyqtan anemıaǵa qarsy paıdasy bar. Quramyndaǵy karatınoıdtar tobyna jatatyn lıkotın óz kezeginde kataraktanyń aldyn alyp, kóz saýlyǵyna tıimdi áser etedi. Sońǵy jyldardaǵy zertteýler ıtmurynnyń tize býyndaryna tuz jınalýy, shemirshekterdiń qajalýy sekildi dertterge qarsy paıdaly ekendigin kórsetýde.

Itmuryn tunbasynan shaı daıyndaý úshin 1 as qasyq ıtmuryn jemisine 1 staqan qaınaǵan sý quıyp, 10 mınýt emaldi ydysta qaqpaǵy jabyq kúıde qaınatady. Mundaı shaıdy bir kún tundyryp qoıýǵa da bolady. Sodan kúnine daıyn shaıdan 1 staqannan ishedi. Onyń quramynda adam aǵzasyna qajetti mıkroelement óte kóp. Odan jasalǵan dáriler adam aǵzasy úshin óte qymbat dári-dármektiń ornyn almastyra alady. Oǵan qosa bul jıdek syǵyndysy tolyq adamdardy júrek talmasynan qorǵaıdy. Júregi aýyratyn jáne qan qysymy joǵary adamdar ıtmuryn tunbasyn kúnine 40 gramnan 6 apta boıy ishýi kerek.

Oqýǵa keńes beremiz:

Barlyq dertke daýa - ıtmuryn

Itmuryn qaınatpasy

---