Muǵalimderdiń jalaqysyna ústemeaqy qashan qosylady
QR Bilim jáne ǵylym vıse-mınıstri Bıbigúl Asylova bilim berýdiń jańartylǵan mazmuny boıynsha sabaq beretin muǵalimderdiń jalaqysyna ústemeaqynyń qashan qosylatynyn aıtyp berdi.
«Jańartylǵan mazmun boıynsha sabaq beretin muǵalimderdiń júktemesi artqandyqtan, laýazymdyq jalaqysyn da arttyrý qarastyrylǵan. Qaýly 7 aqpan kúni shyqty, qazir óńirler shuǵyl tártipte esep júrgizedi jáne meniń paıymdaýymsha, aqpan aıynyń jalaqysy berilerde qańtar jáne aqpan aılarynyń ústeme aqysy birge túsedi», - dep jaýap berdi ol QR BǴM alqasynyń keńeıtilgen otyrysy aıasynda jýrnalıserdiń suraǵyna.
Sonymen birge, vıse-mınıstr jalaqyǵa qosylǵan ústeme aqynyń azdyǵy týraly Parlament Májilisiniń depýtaty Gúljan Qaraǵusovanyń synyna jaýap berdi.
«Kabınetti meńgerý, synypqa jetekshilik etýge qosylatyn tólemder 5 myń teńgeden aspaıdy, bul turǵyda Qaraǵusovanyń alańdaýshylyǵyn túsinemin. Biraq, qazir Memleket basshynyń tapsyrmasymen qarastyrylǵan laýazymdyq jalaqyny kóbeıtýde anaǵurlym kóbirek aqsha qosylady. Máselen, orta eseppen muǵalimder 80 myń teńge alsa, 30% ústeme aqy dál osy 80 myń teńge negizinde, ıaǵnı shamamen 24 myń teńge qosylady», - dedi B. Asylova.
Vıse-mınıstrdiń aıtýynsha, 1 qańtardan bastap, respýblıka aýmaǵyndaǵy 90 myńǵa jýyq muǵalimniń jalaqysy kóbeıedi. 1 qyrkúıekten bastap - 200 myń muǵalim ulttyq biliktilik testin tapsyrý arqyly óz eńbekaqylaryn kóbeıte alady. Attestasıanyń jańa erejeleri ázirlenip jatyr.
QazAqparat
You Might Also Like
-
Bıylǵy oqý jylynan bastap ınformatıka páni úshinshi synyptan bastap oqytylatyn boldy. Bul týraly Úkimet otyrysynda QR Bilim jáne ǵylym mınıstri Erlan Saǵadıev Úkimet otyrysynda málim etti.
-
Shvedtyń uly rejısery Ingmar Bergman áıgili «Únsizdik» dep atalatyn fılminde adam ary men nápsisi ortasyndaǵy kúresti qarama-qarsy tıptegi eki keıipker arqyly kórsetken bolatyn. Eń qyz...
