Bıyl mektepterde ınformatıka 3 synyptan bastap oqytylady
Bıylǵy oqý jylynan bastap ınformatıka páni úshinshi synyptan bastap oqytylatyn boldy. Bul týraly Úkimet otyrysynda QR Bilim jáne ǵylym mınıstri Erlan Saǵadıev Úkimet otyrysynda málim etti.
«Úkimettiń 2018 jylǵa arnalǵan josparynda mınıstrlikke 27 is-shara júktelgen. Onyń ishinde 13 pýnktti oryndaýshy - Bilim jáne ǵylym mınıstrligi. Úkimettiń keńeıtilgen otyrysynda aıtylǵan mindetteri eskere otyryp, josparǵa bilimdi sıfrlandyrý boıynsha ózgerister engizildi. Mysaly, ınformatıka 2017 jyly 7 synyptan, 2014 jyly 5 synyptan bastalǵan. Osy oqý jylynan bastap 3 synyptan bastalady. Bul bir», - deıdi mınıstr.
Erlan Saǵadıevtyń aıtýynsha, ekinshiden, besten on birinshi synypqa deıingi baǵdarlamalar jańartylady.
«Onyń ishinde baǵdarlamalaý tilderin qaıta qarastyryp, jańa baǵdarlamalaý tilderin engizý jumysy bastalyp ketti. Úshinshi, barlyq mektepterde sıfrlyq bilim berý resýrstary bar. Osy jyldyń maqsaty - olardy qoldaný deńgeıin kóterý. Tórtinshi - bilim berý salasynda balabaqshadan bastap qyzmetterdi avtomattandyrý», - dedi ol.
Mınıstr osy jyldan bastap Pavlodar men Shymkent qalalarynda 100 paıyzdyq qaǵazsyz esep berý júıesi boıynsha pılottyq joba bastalatynyn aıtty. Joba tıimdiligin kórsetse, atalǵan júıe barlyq qalalarǵa engizilmek.
QazAqparat
You Might Also Like
-
Búırektiń organızmdegi eń negizgi qyzmeti - shyǵarý. Sonymen qatar ishki orta turaqtylyǵyn, silti-qyshqyl teńdigin, osmos qysymyn, tamyrdaǵy qan kólemin, basqa da ishki suıyqtyq ortanyń kórsetkish...
-
QR Bilim jáne ǵylym vıse-mınıstri Bıbigúl Asylova bilim berýdiń jańartylǵan mazmuny boıynsha sabaq beretin muǵalimderdiń jalaqysyna ústemeaqynyń qashan qosylatynyn aıtyp berdi.
