InfoHub Logo

Ýa dostar, jaqsy minezdi bolýǵa tyrysý kerek. Áýeli ynsapty bolý kerek. Ynsap degen ár iste aspaı, kem qalmaı, ortasha bolmaı, ádilet degen de osydan shyǵady, ár istiń ornyn taýyp istemek te osydan shyǵady. Aıatta: «ın-nal-laha ıýhıbbýl-mýksıtına» — maǵynasy: Alla taǵala ádildik qylǵandardy súıedi degen.

Bısmıl-lahır-rahmanır-rahım!

Ólsheýsiz, sansyz ǵalamdy basynda joqtan bar qylǵan qudiretinde ólsheý joq, teńdes, sherigi joq, minsiz Alla taǵalaǵa sansyz razylyq shúkir.

Munan soń Alla taǵalanyn, abzal jaratqan aqyrzaman paıǵambary Mýhammed Mustapa salla Allahý ǵalaıhı ýá sállám haziretine salaýat.

Munyn, sońynda, ýa, dostar, Alla taǵala barsha adam balasyn bir Alla taǵalanyń barlyǵyn, birligin hám ózin jaratqan ıe ekenin bilip, ıman keltirip, qulshylyq qylsyn dep jaratqan. Aıatta: «ýa ma halaqtýl-jınna ýal-ınsa ılla lı ıaǵbýdýna» — degen, maǵynasy: jyn menen adamdardy qulshylyq qylsyn dep jarattym degen. Solaısha qulshylyq úshin jaralǵandy oqyǵandaryńyz kitaptan, oqymaǵandaryńyz moldalardan estip-bilgen shyǵarsyzdar. Alaıda bolsa, bizdiń qazaq halqynyń óz biliminen jazylǵan kitap joq bolǵan soń, ǵarab, parsy kitapty bilmek túgil, noǵaı tilimen jazylǵan kitaptardy da anyqtap uǵa alǵan joq shyǵar dep oılaımyn. Sol sebepten ıman, ǵıbadat týrasyn shamam kelgenshe qazaq tilimen jazaıyn dep oılandym. Bul kitap árbir qazaq oqýǵa ońaı bolyp, ári olarǵa paıda, ári ózime saýap bola ma eken dep, Alla taǵalanyń raqymetinen úmit ettim. Ámın.

Endi buryn ıman týrasyn anyqtap bilý kerek. Sol sebepten áýeli ıman týrasyn shamam kelgenshe uqtyraıyn.

---