InfoHub Logo

Sabaqtyń taqyryby: M. Áýezovtyń «Kókserek» áńgimesi
Sabaqtyń maqsaty:
Tujyrymdar jasaý, oı qorytý áreketterin salystyrý jáne sabaqtastyrýdy, jalpy boljam jasap bilýdi úıretý.
Damytýshylyq. Óz betterimen eńbektený sezimderin qalyptastyrý.
Tárbıelik: İzgilik qatynasqa tárbıeleý.
Sabaq túri: Oıyn sabaq
Oqytý ádisi: Damyta oqytý
Kórnekilikter: Shema – plakattar
Sabaq barysy:
Uıymdastyrý kezeńi:

Muǵalim sózi:
Búgin sabaǵymyz M. Áýezovtiń shyǵarmashylyǵyn taldaýǵa arnalǵan sabaqtarymyzdyń jalǵasy. Áýezovtiń áńgimeleriniń ishindegi tili jatyq jazylǵany «Kókserek». Al búgingi sabaqtyń maqsaty: tek bir áńgimesi arqyly ǵana klasık sýretter ekendigine kóz jetkizý.
Sabaqtyń negizgi bólimi tapsyrmalar boıynsha klass toptyq jumys jasaıdy.

«Meni túsin» oıyny
Oıynnyń sharty:
5 toptan bir – bir oqýshy shyǵyp, ortada turǵan ústelge baryp otyrady. Olarǵa beriletin shart tómendegishe:
«A» ústeli. Kózi ashylmaǵan kúshiktiń Qurmashtyń qoınynan tabylýy.
«Á» ústeli. Aýyl adamdarynyń 7 kúshikke jasaǵan zábiri
«B» ústeli. Zińgitteı kók sholaq qasqyr bolǵn shaǵynda qara ala tóbetpen aıqasy.
«V» ústeli. Qoı jaıyp júrgen Qurmashtyń qasqyrǵa shabýy.
«G» Áje zary

2. «Órmekshi oıyny»
Klastaǵy oqýshylar tórt – tórtten bólinedi. 1,2,3,4 degen belgilerdi omyraýlaryna taǵady. Aldymen otyrǵan ústelden 1 – deńgeılik tapsyrmalardy oryndap, kelesi stolǵa barady. Stoldardy aınalyp bolǵanan keıin, 2 – deńgeılik tapsyrmany da ústelderdi aınalý arqyly oryndaıdy. 3 deńgeılik tapsyrmany ár toptaǵy oıynshylar birigip oryndaıdy. Jaqsy oryndaǵan oıynshylarǵa fıshkalar taratylady. Ár aınalym 5 mınýt.

Oıyn suraqtary:
İİİ deńgeı
Qasqyrlar mekeni. Taǵylar tirligi
Adamdar shabýyly. Bóltirikter taǵdyry
Qataldyq. Kókserek aýylda
Kókserek jáne Qurmash.
Kókserektiń adamdardan kórgen zábiri, jazasy.

İİ deńgeı.
Kókserektiń aýyldan ketýi
Taǵylardyń taǵylyq isteri
Kókserektiń joıqyn dúleı kúshke aınalýy.
Qaraadyr elindegi mazasyzdyq.
Qurmashtyń qazasy. Kókserektiń jazasyn tartýy.

İ deńgeı.
1. Qalaı oılaısyzdar, áńgime tek Kókserek aınalasynda ǵana ma?
2. Aýyl adamdarynyń is - áreketin quptaýǵa bola ma?
3. Kim qatal, kim óktem? Kókserek pe, álde aýyl adamdary ma?
4. Jalpy tabıǵatqa shabýyl jasaý, onyń tylsym tynyshtyǵyn buzý máselesine qalaı qaraısyńdar?
5. Áńgime arqyly basty oıdy ashatyn eń negizgi oqıǵalar qaısy?
Áńgimege qatysty óleń shyǵarǵan oqýshylardyń shyǵarmasyn tyńdaý.
Mine, balalar, búgin biz M. Áýezovtiń «Kókserek» áńgimesi arqyly jaratylystaǵy adam men tabıǵat teńdiginiń qatynas dárejesin tanyp otyrmyz. Bul tepe – teńdik buzylǵan jaǵdaıda úlken qurbandyqqa alyp keledi. Muhtar Áýezovtiń «Kókserek» áńgimesi adamdarǵa uly bir mindet júktep otyrǵandaı seziledi.

Sabaqty qorytyndylaý:
Suraq – jaýap arqyly qorytyndylaý.
«Kókserek» áńgimesi qalaı aıaqtalýshy edi?
Jaýaby: Áńgime kempirdiń qarǵysymen aıaqtalady.
Qalaı oılaısyńdar, kempir qarǵysymen áńgimeni aıaqtaýyna ne sebep?
Jaýaby: Bul kempir qarǵysy - Áýezovtiń ozbyrlyqqa, jaýyzdyqqa, qataldyqqa degen qarǵysy.
Jazýshy nege úndeıdi?
Jaýaby: Jazýshy jer betindegi adamdardy tatýlyqqa, bir – birin, ózin syılaýǵa, qurmetteýge úndeıdi.

Úıge tapsyrma:
«Kókserek - tabıǵattyń taǵy perzenti» taqyrybyna shaǵyn shyǵarma jazý.