InfoHub Logo

Kúnimizde ómirimizdiń ajyramas bóligine aınalyp kele jatqan fast fýd taǵamdary as qorytý júıesindegi keleńsizdikterge, ásirese salmaq qosýǵa jol ashatyny qupıa emes, sondaı-aq teriniń nasharlaýyna da septigin tıgizedi. Sonymen qatar zertteýler nátıjesi turaqty túrde fast fýd taǵamdarymen qorektený mıǵa da keri áser etetindigi umytshaqtyq pen depressıa, alsgeımer, shızofrenıa sekildi aqaýlarǵa alyp keletindigin kórsetýde. Anglıanyń zeıin saýlyǵy qorynyń zertteý bólimi dırektory Doktor Kortneı Van de Veır: «Adamdardyń sońǵy kezderi ádetke aınaldyrǵan fast fýd taǵamdary júıeli jáne salaýatty bolýdan qaldy. Zertteýlerge súıensek jemderde qoldanylatyn qospalar jáne eginshilikte qoldanylatyn dáriler mal aǵzasynda ózgeristerge jol ashýda. Osy sebepti adamdar omega 6 maı qyshqylyn omega 3-ke qaraǵanda kóbirek tutynatyn jaǵdaıǵa kelýde. Bul aqaýǵa taǵy dárýmen men mıneral jetispeýshiligi qosylǵanda umytshaqtyq jáne depressıa sekildi keleńsizdikterge, onyń arty alsgeımer, shızofrenıa sekildi dertterge ákep soǵady.» Mamandar mıǵa paıdaly jáne zıan ónimderdiń tizimin qysqasha bylaı tizbekteýde:

Mıǵa paıdaly ónimder:

— Kókónister (talshyqty bolǵandar)

— Dándi-daqyldar

— Jemister

— Bıdaı, kebek

— Jumyrtqa

— Tabıǵı jetilgen balyqtar

Mıǵa zıandy ónimder:

— Qýyrylǵan fast fýd taǵamdary

— Rafınadtalǵan, óńdelgen azyqtar

— Alkogóldi ishimdikter

— Sheker

— Shamadan artyq shaı jáne kofe

— Azyqtarǵa qosylatyn keıbir qospalar

— Eginshilik dárilerin qamtıtyn azyqtar

---