InfoHub Logo

Aspazdyǵymen, taǵamdarynyń dámdiligimen aty shyqqan bir kári áıel, uly men jańa túsken kelinin keshki asqa úıine qonaqqa shaqyrady. Úıde basqa da qonaq bar. Balasy men kelini dastarhanǵa jaıǵasyp, dámnen alǵandarynda kútpegen jaǵdaı oryn alady. Anasynyń jasaǵan tamaǵy, adamnyń tábetin qashyratyndaı óte nashar bolatyn. Jasaǵan tátti bálishterinen jaǵymsyz ıis shyǵyp turdy. Kartoptary jartylaı pisken, kotletteri kúıip ketken. Uly kelinshegine bildirmeýge qansha tyryssa da, báribir júzinen baıqalyp tur. Biraz ýaqyttan soń, tamaqtaryn jep bolyp, jańa úılengen juptar analarynyń batasyn alyp, qosh aıtysyp úılerine ketedi. Uly men kelini ketken soń, álgi qonaq kári áıelden: «Siz tamaqty jaqsy pisiretin edińiz ǵoı, nege búgin tamaǵyńyz dámsiz boldy? Álde aýyryp tursyz ba?» dep suraıdy. Kári áıel kúlimsirep: «Joq, bári durys. Ádeıi osylaı jasadym. Budan bylaı ulym qaıta-qaıta meniń tamaǵymnyń dámdiligin aıtyp, áıelin renjitpeıtin bolady», degen eken.

---